شمالی کوریا کے ساتھ بات چیت "درست سمت" میں گامزن ہے : امریکا

Source: S.O. News Service | By Shahid Mukhtesar | Published on 16th August 2018, 11:08 AM | عالمی خبریں |

واشنگٹن ،16اگست (ایس او نیوز؍آئی این ایس انڈیا) امریکی وزارت خارجہ کی ترجمان ہیزر نوورٹ کا کہنا ہے کہ امریکا اور شمالی کوریا کے درمیان جوہری ہتھیاروں کی تلفی کے حوالے سے بات چیت میں پیش رفت سامنے آ رہی ہے اور یہ مذاکرات "درست سمت میں" گامزن ہیں۔

منگل کے روز ایک پریس کانفرنس سے خطاب کرتے ہوئے ترجمان نے بتایا کہ جون میں امریکی صدر ڈونلڈ ٹرمپ اور شمالی کوریا کے سربراہ کم جونگ اُن کے درمیان ملاقات کے بعد پیونگ یانگ کے ساتھ پسِ پردہ جاری بات چیت نے طبعی امر کی صورت اختیار کر لی ہے۔

نوورٹ نے باور کرایا کہ "ہم سمجھتے ہیں کہ پسِ پردہ جاری ملاقاتیں، مذاکرات اور بات چیت یہ سب درست سمت میں متحرّک ہیں"۔

امریکی وزارت خارجہ کی ترجمان کا یہ تبصرہ پیر کے روز شمالی اور جنوبی کوریا کے اس اعلان کے بعد سامنے آیا ہے کہ وہ ستمبر میں پیونگ یانگ میں ایک سربراہ ملاقات کے انعقاد پر متفق ہو گئے ہیں۔

ہیزر ںوورٹ نے حالیہ طور پر جاری بات چیت اور اس کے مقام سے متعلق تفصیلات فراہم کرنے سے منع کر دیا۔

تاہم وہ امریکا کا یہ نقطہ نظر دہراتی رہیں کہ کِم جونگ اُن نے ٹرمپ کو آگاہ کیا ہے کہ وہ جوہری ہتھیاروں کی تلفی کے لیے تیار ہیں جو کہ ان مذاکرات کے حوالے سے امریکا کا مرکزی ہدف ہے۔

ترجمان کا کہنا ہے کہ "صدر کم جونگ اُن کی یقین دہانی کے بعد ہم مکمل حُسن نیت کے ساتھ کوششیں جاری رکھیں گے تا کہ بات چیت کو آگے لے جایا جا سکے"۔

ایک نظر اس پر بھی

2008 ممبئی حملے کا ماسٹر مائنڈ حافظ سعید گرفتار

  ممبئی دہشت گردانہ  حملے کے ماسٹرمائنڈ اور تنظیم جماعت الدعوۃ (جےیوڈی) کے چیف حافظ سعید کو Counter Terrorism Department (سی ٹی ڈی) نے پاکستان کے پنجاب  سے بدھ کو گرفتار کر لیا۔افسروں نے بتایا کہ سعید سی ٹی ڈی میں پیش ہونے کے لئے لاہور سے گجرانوالا آیا تھا، تبھی اس کو گرفتار کر لیا گیا۔ اس کے ...

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...

سری لنکا چرچ بم بلاسٹ میں ڈرگ مافیاکا ہاتھ ہے۔ صدر سیری سینا کا بیان

انگریزی اخبار دی نیو انڈین ایکسپریس میں شائع ایک رپورٹ کے مطابق سری لنکا کے صدر مائتھری پالا سیری سینا نے کہا ہے کہ عیسائی تہوار ایسٹر کے موقع پر چرچ کے اندر جو ہولناک بم دھماکے ہوئے تھے اس کے پیچھے بین الاقوامی ڈرگ مافیاکاہاتھ ہے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...