کسانوں کے قرض معاف نہیں، خود کشی کے بعد معاوضہ تقسیم کر رہی ہے مرکزی حکومت: کانگریس

Source: S.O. News Service | By Safwan Motiya | Published on 21st March 2017, 11:58 AM | ملکی خبریں |

نئی دہلی، 20؍مارچ (ایس اونیوز/آئی این ایس انڈیا ) کانگریس نے الزام لگایا ہے کہ مودی حکومت نے وعدوں کے مطابق کسانوں کے قرض تو معاف نہیں کئے جس وجہ سے ملک بھر کے کسان خودکشی کر رہے ہیں لیکن خود کشی کے بعد معاوضہ تقسیم کیا جا رہا ہے۔ راجیہ سبھا میں وقفہ صفر کے دوران کسانوں کے مسائل اٹھاتے ہوئے کانگریس ایم پی پرمود تیواری نے پیر کو کہاکہ مہاراشٹر میں اسی سال جنوری اور فروری کے مہینے میں 117 کسانوں نے خود کشی کر لی ہے۔ ان میں سے 46 کسانوں کے خاندانوں کو معاوضہ دیا گیا، 13 کے دعوے مسترد کر دئے گئے اور 58 کے دعووں پر غور کیا جا رہا ہے۔ انہوں نے کہا کہ معاوضہ دئے جانے سے پتہ چلتا ہے کہ کسانوں نے خود کشی کی ہے۔ تیواری نے کہا کہ کسانوں کی خودکشی کا سبب قحط، بارش میں کمی یا فصل کی کم پیداوار ہونا نہیں ہے، فصل تو اچھی ہوئی لیکن نوٹ بندی کی وجہ سے انہیں ان کے فصل کی صحیح قیمت نہیں مل پائی۔ انہوں نے کہا کہ حکومت نے کسانوں کا قرض معاف کرنے کا وعدہ کیا تھا لیکن اسے پورا نہیں کیا اور کسان سخت اقتصادی بحران میں ڈوب گئے۔ انہوں نے کہا کہ سرکار نے وعدہ کیا تھا کہ اگر اترپردیش میں وہ اقتدار میں آتی ہے تو کابینہ کی پہلی ہی میٹنگ میں کسانوں کے قرضے معاف کرنے کا فیصلہ کیا جائے گا۔ کابینہ کی پہلی میٹنگ ہو گئی اور کسانوں کے قرض معافی کے سلسلے میں کوئی اعلان نہیں کیاگیا۔ تیواری نے کہا کہ کسانوں کی خود کشی کے لئے وہ براہ راست حکومت پر الزام لگا رہے ہیں جس کی غلط پالیسیوں کی وجہ سے مہاراشٹر میں 117 کسانوں نے خود کشی کی۔ دیگر ریاستوں میں بھی کسان خودکشی کر رہے ہیں۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...