وزیر اعلیٰ عہدے کے امیدوار کا اعلان نہ ہونے کی کانگریس کی انتخابی امید پر کوئی اثر نہیں ہوگا: جی پرمیشور
بنگلورو ، 20 اکتوبر (ایس او نیوز؍آئی این ایس انڈیا ) کرناٹک ریاستی کانگریس نے آج یہاں کہا کہ اسمبلی انتخابوں سے پہلے ریاست میں وزیر اعلیٰ عہدہ کے امید وار کے نام کا اعلان نہیں کئے جانے سے پارٹی کی امیدوں پر اس کاکوئی اثرنہیں پڑے گا۔کیونکہ یہ کانگریس کی روایت میں نہیں ہے اور دیوراج ارسے کے دور میں بھی وزیر اعلیٰ کے امیدوارکے نام کا اعلان نہیں کیا گیا تھا۔ کرناٹک ریاستی کانگریس کے چیئرمین جی پرمیشور نے کہاکہ کرناٹک میں کانگریس نے کبھی وزیر اعلیٰ کے عہدے کے امیدوار کے نام کا اعلان نہیں کیا۔ کانگریس کے اہم لیڈردیوراج ارسے کے وقت میں بھی ایسا نہیں کیا گیا تھا ۔ہم انتخابوں سے پہلے وزیر اعلیٰ کے امیدوار کے نام کا اعلان کبھی نہیں کرتے ہیں۔ غورطلب ہے کہ کرناٹک میں اگلے سال انتخابات ہونا ہے اور بھارتی جنتا پارٹی نے پہلے ہی ریاستی چیئرمین بی ایس یدیورپاکو وزیر اعلیٰ کے عہدے کے امیدوار اعلان کر دیا ہے۔ پرمیشور نے کہا کہ کرناٹک میں یہ ایک روایت ہو سکتی ہے لیکن امرندر سنگھ اور ویربھدر سنگھ میں ہوسکتے ہیں۔پنجاب اورہماچل پردیش انتخابوں سے پہلی ان دونوں کا نام وزیر اعلیٰ کے امید کے اعلان کیا جا چکا تھا۔ایک سوال کے جواب میں پرمیشور نے کہا کہ پارٹی اعلیٰ کمان کے سدھرمیا کی قیادت میں کرناٹک اسمبلی انتخابات لڑے جانے کے اعلان سے وہ پارٹی میں الگ تھلگ محسوس نہیں کر رہے ہیں۔