ہوسپیٹ کے رکن اسمبلی آنند سنگھ کے خلاف غیرضمانتی وارنٹ جاری
بنگلورو، 14؍مارچ(ایس او نیوز) خام دھات کی غیرقانونی منتقلی اور کارکن کنی معاملہ سے متعلق وجئے نگر(ہوسپیٹ)کے رکن اسمبلی آنندسنگھ کے خلاف غیرضمانتی وارنٹ جاری کیاگیاہے۔ عوامی نمائندوں کے خلاف کریمنل مقدمات کی سماعت کرنے والی خصوصی عدالت نے غیرضمانتی وارنٹ جاری کیاہے۔ بروز چہارشنبہ اس معاملہ کے اہم ملزمین جناردھن ریڈی، دست راست علی خان، ناگیندرا اور سریش بابو شنوائی کے لئے عدالت آئے ہوئے تھے۔ آنند سنگھ غیرحاضررہے، سماعت کے وقت آنند سنگھ کے وکیل نے اپنے موکل کو ذاتی طورپر حاضرہونے سے رعایت دینے کی عرضی داخل کی ہے، ریسارٹ میں ہوئے جھگڑے کی وجہ سے وہ زخمی ہیں اور اسپتال میں زیر علاج ہیں۔ اس لئے آنند سنگھ کو حاضرہونے سے رعایت دی جائے۔ اس کی عرضی کے ساتھ وکیل نے اسپتال کی دستاویزات بھی پیش کیں۔ لیکن آنند سنگھ حملہ کا شکار ہونے سے پہلے بھی عدالت میں حاضرنہیں ہوئے تھے ،جج نے آنند سنگھ کے سابق رویہ پر بھی اعتراض کیا اور کہا کہ اس وقت عدم حاضری کی کیاوجہ تھی؟ یہ کہتے ہوئے غیرضمانتی وارنٹ جاری کرنے کی ہدایت دی