معاشیات کا نوبیل انعام دو امریکی ماہرین کے نام

Source: S.O. News Service | By Staff Correspondent | Published on 9th October 2018, 5:55 PM | عالمی خبریں |

واشنگٹن 9اکتوبر ( آئی این ایس انڈیا؍ ایس او نیوز ) معاشیات کے لیے اس سال کا نوبیل انعام دو امریکی ماہرین نے جیت لیا ہے۔رائل سویڈش اکیڈمی آف سائنسز نے ییل یونیورسٹی کے ولیمز نورڈاس اور نیویارک یونیورسٹی کے پال رومرکو مشترکہ طور پر 2018 کے لیے معاشیات کے انعام کا حق دار قرار دیا ہے۔اکیڈمی کے ایک بیان میں کہا گیا ہے  کہ نورڈھاس اور رومر، دونوں نے ہمارے عہد کے انتہائی بنیادی اور اہم سوالات کا جواب دیا ہے کہ ہم کس طرح پائیدار اور برقرار رہ سکنے والی اقتصادی ترقی حاصل کرسکتے ہیں۔نورڈھاس کو یہ انعام آب و ہوا کی تبدیلیوں کی بڑی سطح کے اقتصادی معاملات کے ساتھ پائیدار انضمام کے تجزیے پر دیا گیا تھا۔اکیڈمی کے بیان میں کہا گیا ہے کہ انہوں نے 1990کے عشرے میں ایک ماڈل تیار کیا تھا جس میں وضاحت سے یہ بتایا گیا تھا کہ کس طرح عالمی سطح پر معیشت اور آب و ہوا ایک دوسرے پر اثر انداز ہو سکتے ہیں۔رومر کو ٹیکنالوجی کی ایجادات کے طویل مدتی میکرو معاشی امور میں انضمام کے تجزے سے متعلق کام پر انعام دیا گیا۔نورڈھاس نے 1967 میں میساچوسٹس انسٹی ٹیوٹ آف ٹیکنالوجی سے اور رومر نے 1983 میں یونیورسٹی آف شکاگو سے پی ایچ کی ڈگریاں حاصل کی تھیں۔ دس لاکھ ڈالر سے زیادہ کا انعام، دونوں اقتصادی ماہرین میں مساوی تقسیم کیا جائے گا۔نوبیل اکیڈمی کی جانب سے اس مہینے مختلف شعبوں میں اعلیٰ کارکردگی میں انعامات کے اعلان کیے جا رہے ہیں، اکنامکس کا نوبیل پرائز اس سلسلے کی آخری کڑی ہے۔جمعے کے روز انسانی حقوق کے لیے کام کرنے والی سرگرم یزیدی کارکن نادیہ مراد اور جمہوریہ کانگو میں جنسی تشدد کا نشانہ بننے والی خواتین کا علاج کرنے والے ڈینس مویکویج کو مشترکہ طور پر امن نوبیل انعام دینے کا اعلان کیا تھا۔ نادیہ مراد عراق میں داعش کی قید میں جنسی کنیز کے طور پر ایک مشکل وقت گزار چکی ہیں۔

ایک نظر اس پر بھی

انیس عامری ایک ’دہشت گرد سیل‘ کا حصہ تھا: جرمن میڈیا

برلن میں دو برس قبل ایک کرسمس مارکیٹ پر ٹرک کے ذریعے حملہ کرنے والا انیس عامری’تنہا بھیڑیا‘ نہیں تھا بلکہ ممکنہ طور پر اس کا تعلق ایک سلفی سیل سے تھا، جس نے اسے اس حملے میں مدد دی تھی۔جرمن میڈیا پر ہفتے کے روز سامنے آنے والی رپورٹوں کے مطابق برلن کرسمس مارکیٹ حملے کے فقط دو ...

فرانسیسی شہروں میں زرد جیکٹوں والے مظاہرین کا احتجاج

فرانس کے مختلف شہروں میں زرد جیکٹوں والے حکومت مخالف مظاہرین مسلسل پانچویں ویک اینڈ پر احتجاج کے لیے جمع ہیں۔ صدر ایمانوئل ماکروں کی حکومت کے خلاف مظاہروں کا یہ سلسلہ ایندھن کی قیمتوں میں اضافے پر شروع ہوا تھا۔ فرانسیسی دارالحکومت پیرس میں مظاہرین کی پرتشدد کارروائیوں کو ...

سری لنکا کے برخاست وزیراعظم پر پارلیمان کا اعتماد

رواں برس اکتوبر میں برخاست کیے جانے والے سری لنکن وزیراعظم رانیل وکرمے سنگھے نے پارلیمنٹ میں اعتماد کا ووٹ حاصل کر لیا ہے۔ آج بدھ کو ہونے والی رائے شماری میں 225 رکنی ایوان میں وکرمے سنگھے کی حمایت میں 117 اراکین نے ووٹ ڈالا

امریکی فوج نے شمالی شام میں مبصر چوکیاں قائم کر دیں

امریکی وزارت دفاع نے اعلان کیا ہے کہ اْس کی افواج نے شمالی شام میں مبصر چوکیاں قائم کر دیں ہیں۔ اس اعلان میں ان چوکیوں کی تعداد اور مقامات کی وضاحت نہیں کی گئی ہے۔ اسی علاقے میں شامی کردوں کی ملیشیا وائی پی جی ایک بڑے علاقے پر قابض ہے

برطانوی وزیر اعظم کو درپیش قیادت کا چیلنج: کیوں اور کیسے؟

برطانوی پارلیمان کے ارکان نے قدامت پسند وزیر اعظم ٹریزا مے کے خلاف عدم اعتماد کی تحریک پیش کر دی ہے، جس پر رائے شماری آج بدھ بارہ دسمبر کو ہو رہی ہے۔ سوال یہ ہے کہ یہ تحریک پیش کیے جانے کے بعد اب ہو گا کیا ۔برطانوی وزیر اعظم ٹریزا مے نے اسی ہفتے پیر کا دن یورپ کے مختلف ممالک کے ...