کشمیر میں آئی ایس کی بڑی موجودگی نہیں: ڈی جی پی

Source: S.O. News Service | By Shahid Mukhtesar | Published on 4th January 2019, 12:18 AM | ملکی خبریں |

سری نگر 3جنوری (ایس او نیوز؍ آئی این ایس انڈیا )جموں وکشمیرکے پولیس ڈائریکٹر جنرل دلباغ سنگھ نے بدھ کو کہا کہ کشمیر میں نام نہاد اسلامک اسٹیٹ (داعش)کی کوئی موجودگی نہیں ہے، لیکن ملک مخالف عناصر عالمی دہشت گرد تنظیم کے نظریے کے سہارے نوجوانوں کے ایک طبقے کو بنیاد پرست بنانے کے کوششوں میں ضرور لگے ہیں۔ پولیس ڈائریکٹر جنرل (ڈی جی پی) کے تبصرے ایسے وقت میں آیا ہے جب مبینہ طور پر کچھ دن پہلے کچھ نوجوان نام نہاد اسلامک اسٹیٹ(داعش ) کا جھنڈا لے کر زبردستی یہاں تاریخی جامع مسجد میں گھسے اور افراتفری کا ماحول پیدا کر دیا۔ ڈی جی پی نے یہاں نامہ نگاروں سے کہا کہ سماج دشمن اور ملک دشمن عناصر نوجوانوں کے ایک طبقہ کو بنیاد پرست بنانے کی پوری کوشش کر رہے ہیں۔ انہوں نے کہا کہ آئی ایس آئی (داعش) کی موجودگی، اتنی بڑی نہیں ہے، لیکن اس حقیقت سے انکار نہیں کیا جا سکتا کہ اس بنیاد پر لوگوں کو مبینہ طور پر بنیاد پرست بنایا جا رہا ہے۔ جنرل دل باغ سنگھ جامع مسجد میں 28 دسمبر کو ہوئے و اقعہ کے سلسلے میں پوچھے گئے ایک سوال کا جواب دے رہے تھے۔ حکام نے کہاہے کہ واقعہ جمعہ کی نماز کے بعد پیش آیا تھا جب زیادہ ترمصلیان مسجدسے جا چکے تھے۔ وہاں موجود لوگوں نے ان نوجوانوں کا پیچھا کیا۔ واضح ہوکہ مسجدانتظامیہ کمیٹی اور علیحدگی پسندوں نے واقعہ کی مذمت کی ہے ۔ 

ایک نظر اس پر بھی

 گجرات:  ٹھاکر کمیونٹی کادقیانوسی قانون،لڑکیوں کے موبائل کے استعما ل پر مکمل پابندی، بھاگ کر شادی کرنے پر اہل خانہ کو بھرنا ہوگا جرمانہ 

گجرات کے بناس کا ٹھا میں ٹھا کر کمیونٹی کی طرف سے 12 دیہات میں عجیب و غریب اور دقیانوسی قوانین بنائے گئے ہیں۔ اس میں ایک اصول ایسا ہے کہ لڑکیاں اپنے پاس موبائل نہیں رکھ پائیں گی۔

 اب تمام علاقائی زبانوں میں ہون گے ڈاک محکمہ کے امتحانات، راجیہ سبھا میں ہنگامہ کے بعد حکومت نے منسوخ کیا پیپر 

ڈاک محکمہ کی گزشتہ ہفتے ہوئے ایک امتحان کا ذریعہ صرف ہندی اور انگریزی رکھنے کی مخالفت میں منگل کو راجیہ سبھا میں کئی جماعتوں کے ارکان کے ہنگامے کی وجہ سے کاروائی کئی بار روکنا پڑی۔

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...