قطر بحران دوسال اورجاری رہتاہے تو کچھ فرق نہیں پڑے گا:عادل الجبیر

Source: S.O. News Service | By Shahid Mukhtesar | Published on 7th September 2017, 10:45 AM | خلیجی خبریں |

ریاض،6؍ستمبر(ایس او نیوز ؍آئی این ایس انڈیا)سعودی عرب کے وزیر خارجہ عادل الجبیر نے کہا ہے کہ اگر قطر بحران مزید دوسال بھی جاری رہتا ہے تو اس سے کچھ فرق نہیں پڑے گا۔انھوں نے یہ بات زور دے کر کہی ہے کہ قطری عوام کو اپنے حکمرانوں کے بارے میں فیصلے کا حق حاصل ہے۔انھوں نے ایک بیان میں یمن میں جاری بحران کے حوالے سے کہا ہے کہ ہم نے جنگ کا انتخاب نہیں کیا تھا بلکہ یہ جنگ ہم پر مسلط کی گئی تھی۔ انھوں نے اس بات کا بھی اشارہ دیا ہے کہ اگر اقوام متحدہ صنعاء کے بین الاقوامی ہوائی اڈے کا انتظام سنبھال لے تو اس کو دوبارہ کھولا جا سکتا ہے۔

عادل الجبیر نے کہا ہے کہ ایران حزب اللہ اور دہشت گردی کے حملوں کے ذریعے خطے کو عدم استحکام سے دوچار کررہا ہے۔ان کا کہنا تھا کہ ایرانی وزیر خارجہ جواد ظریف کے مصالحت سے متعلق بیانات مضحکہ خیز ہیں۔انھوں نے واضح کیا کہ اگر ایران سعودی عرب کے ساتھ تعلقات میں بہتری چاہتا ہے تو وہ دہشت گردی اور دوسرے ممالک میں مداخلت کا سلسلہ بند کر دے۔ان کے بہ قول ایران میں موجود القاعدہ کے لیڈر سعودی عرب میں حملوں کے احکامات جاری کررہے ہیں۔

سعودی وزیر خارجہ کا کہنا تھا کہ ہم نے ایران کی جانب سے مذاکرات اور سفارتی تعاون کے ضمن میں کوئی سنجیدگی ملاحظہ نہیں کی ہے۔

ایک نظر اس پر بھی

شارجہ میں ابناء علی گڑھ مسلم یونیورسٹی کی خوبصورت تقریب؛ یونیورسٹی میں میڈیکل تعلیم صرف 60 ہزار میں ممکن!

علی گڈھ مسلم یونیورسٹی جسے بابائے قوم مرحوم سر سید احمد خان نے دو سو سال قبل قائم کیا تھا آج تناور درخت کی شکل میں ملک میں تعلیم کی روشنی عام کررہا ہے۔اس یونیورسٹی میں میڈیکل کے طلبا کے لئے پانچ سال کی تعلیمی فیس صرف 60,000 روپئے ہے، حالانکہ دوسری یونیورسیٹیوں میں میڈیکل کے طلبا ...

متحدہ عرب امارات میں حفظ قرآن جرم، حکومت کی منظوری کے بغیر کوئی شخص قرآن حفظ نہیں کرسکتا، مساجد میں مذہبی تعلیم اور اجتماع پر بھی پابندی

مشرقی وسطیٰ کے مختلف ممالک میں داخل اندازی اور عرب کی اسلامی تنظیموں کو دہشت گرد قرار دینے کے بعد متحدہ عرب امارات قانون کے ایسے مسودہ پر کام کررہا ہے جس کی رو سے حکومت کی منظوری کے بغیر قرآن شریف کا حفظ بھی غیرقانونی ہوگا۔

سعودیہ میں مقیم غیر قانونی تارکین وطن میں سب سے زیادہ تعداد پاکستانیوں کی نکلی

سعودی عرب کی وزارت داخلہ کے ترجمان میجر جنرل منصور الترکی نے واضح کیا ہے کہ اقامہ و محنت قوانین اور سرحدی سلامتی کے ضوابط کی خلاف ورزی کرنے والے 140 مما لک کے 758570 غیر ملکیوں نے شاہی مہلت سے فائدہ اٹھایا۔