نئی دہلی،24اپریل(ایس او نیوز؍آئی این ایس انڈیا)بی جے پی کے جنرل سکریٹری رام مادھو نے آج کہا کہ پی ڈی پی اور ان کی پارٹی کے درمیان کوئی اختلاف نہیں ہے۔انہوں نے حال ہی میں قانون ساز کونسل کے انتخابات میں دونوں اتحادی ساتھیوں کے درمیان مبینہ اختلاف کے لیے بات چیت کی کمی کو ذمہ دار ٹھہرایاتھا ۔انہوں نے نامہ نگاروں سے کہاکہ کوئی اختلاف نہیں ہے، قانون ساز کونسل کے انتخابات کے سلسلے میں کچھ مسئلہ ہے، ہم نے محسوس کیا کہ دونوں پارٹیوں کے درمیان بات چیت کے کچھ کمی تھی، ان چیزوں کو حل کیا جائے گا۔مادھو نے یہ بھی کہا کہ حکومت کی بنیادی ترجیح وادی میں ایک دو مہینے میں عمومی صورت حال کو بحال کرنا ہے اور اس کے لیے ریاستی انتظامیہ کو ہر ممکن مدد فراہم کرائی جا رہی ہے۔ان کا یہ بیان جموں و کشمیر کی وزیر اعلی محبوبہ مفتی کی طرف سے وزیر اعظم نریندر مودی سے ملاقات کے بعد آئی ہے۔بی جے پی لیڈر نے زور دے کر کہا کہ وادی میں حالات کو بگڑنے سے روکنے کے لیے بات چیت ہی واحد راستہ ہے۔مادھو نے کہا کہ بی جے پی-پی ڈی پی اتحاد کا ایجنڈا 6 سال کے لیے طے ہوا ہے اور حکومت اسی کے مطابق کام کرے گی۔