زرعی آمدنی کو ٹیکس کے دائرے میں لانے کاکوئی منصوبہ نہیں:ارون جیٹلی
نئی دہلی:26/اپریل (ایس او نیوز/آئی این ایس انڈیا) وزیر خزانہ ارون جیٹلی نے نیتی آیوگ کے رکن وو یک دیب رائے کے کھیتی کو ٹیکس کے دائرے میں لانے کے بیان پر صفائی دی ہے۔جیٹلی نے کہا کہ کھیتی سے ہوئی آمدنی پر کسی طرح کا ٹیکس لگانے کا مرکزی حکومت کا کوئی منصوبہ نہیں ہے۔وزیر خزانہ نے ایک بیان میں کہاکہ میں نے نیتی آیوگ کی کھیتی سے ہونے والی آمدنی پر انکم ٹیکس والی رپورٹ کا پیراگراف پڑھا،اس موضوع پر کسی طرح کے الجھن کو دور کرنے کے لیے میں واضح طور پر کہہ رہا ہوں کہ مرکزی حکومت کا کھیتی سے ہونے والی آمدنی پر کسی طرح کا ٹیکس لگانے کا کوئی ارادہ نہیں ہے۔وزیر خزانہ نے کہاکہ اختیارات کی آئینی تقسیم کے مطابق، مرکزی حکومت کے پاس زراعت سے ہونے والی آمدنی پر ٹیکس لگانے کا کوئی حق نہیں ہے۔