”اپنے سر اک بلا تو لینی تھی، میں نے وہ زلفیں اپنے سر لی ہے“ کمار وشواس کا سونو نگم کو مشہورشاعرجون ایلیاکے اندازمیں شاعرانہ جواب
نئی دہلی:20/اپریل (ایس او نیوز/آئی این ایس انڈیا)بالی ووڈ گلوکار سونو نگم کے اذان کو لے کر دئے گئے تنازعہ میں اب عام آدمی پارٹی کے سینئر لیڈر اور شاعر کمار وشواس بھی کود پڑے ہیں۔ جہاں ایک طرف تنازعہ میں پھنسے سونو نگم نے فتوی جاری ہونے کے بعد اپنی ناراضگی ظاہر کرتے ہوئے سر منڈوا لیا۔وہیں سونو کے سر منڈوانے کے بعد شاعر اور آپ لیڈر ڈاکٹر کمار وشواس نے ٹوئٹ کرکے بالی ووڈ گلوکار کی تعریف کی ہے۔آپ کے سینئر لیڈر کماروشواس نے سونو کے لئے ٹویٹ کرکے کہا کہ آپ کے سچے دل کا کوئی”بال“بھی باکا نہیں کر سکتا دوست سونو نگم خود کی زلفیں گرا کر نفرت کا منڈن کرا ہی دیا۔ وہیں ٹوئٹ کا جواب دینے میں سونو نگم نے بھی دیر نہیں لگائی۔ سونو نے ٹوئٹ کرکے کمار وشواس کے لئے کہاکہ ”آپ کوپیاربھائی“۔ وہیں آپ ایک اور ٹویٹ میں ڈاکٹر کمار وشواس نے مشہور شاعر جؤن ایلیا کی شاعری کو ٹویٹ کرکے کہا کہ ”اپنے سر اک بلا تو لینی تھی، میں نے وہ زلفیں اپنے سر لی ہے“۔اس سے پہلے سونو نے صحافی مذاکرات کر اپنے ٹوئٹس پر صفائی دیتے ہوئے کہا تھا کہ انہوں نے اذان پر نہیں بلکہ لاؤڈ اسپیکرز پر سوال اٹھایا تھا، ساتھ ہی اس گلوکار نے یہ بھی صاف کر دیا ہے کہ ایسا بیان انہوں نے صرف مساجد میں ہونے والے لاؤڈ اسپیکرز کے استعمال کی وجہ سے نہیں، بلکہ مندر اور گرودوارہ کے لئے بھی دیا ہے۔ سونو نگم نے کہا ہے کہ وہ تمام مذاہب کا احترام کرتے ہیں۔
