جارج کو استعفیٰ دینے کی کوئی ضرورت نہیں: رام لنگا ریڈی

Source: S.O. News Service | By Shahid Mukhtesar | Published on 15th November 2017, 12:14 AM | ریاستی خبریں |

بنگلورو،14؍نومبر(ایس اونیوز؍عبدالحلیم منصور) ریاستی وزیر داخلہ رام لنگا ریڈی نے کہاکہ ڈی وائی ایس پی گن پتی معاملہ میں وزیر برائے ترقیات بنگلور کے جے جارج کو استعفیٰ دینے کی کوئی ضرورت نہیں ہے۔ آج شہر میں اخباری نمائندوں سے بات چیت کرتے ہوئے انہوں نے کہاکہ اپوزیشن بی جے پی سیاسی مقاصد کو مدنظر رکھتے ہوئے جارج کے استعفیٰ کامطالبہ کررہی ہے۔ گنپتی کی خود کشی میں جارج کو بے قصور قرار دیتے ہوئے پہلے ہی سی آئی ڈی نے اپنی تحقیقاتی رپورٹ پیش کردی ہے۔ اس رپورٹ کا چیلنج کرتے ہوئے گن پتی کے خاندان والے عدالت سے رجوع ہوئے اور عدالت کی ہدایت کے مطابق سی بی آئی نے ایف آئی آر درج کیاہے، لیکن اس معاملے میں ریاستی حکومت جارج کے ساتھ ہے۔ انہوں نے کہاکہ اس سے پہلے آئی اے ایس آفیسر ڈی کے روی کے معاملہ بھی بی جے پی نے جارج کو نشانہ بنایا تھا۔ صحافی گوری لنکیش کے قتل کے متعلق ایک سوال پر وزیر موصوف نے کہاکہ اس پر اب زیادہ بحث نہ کی جائے ، خصوصی تحقیقاتی ٹیم اپنا کام کررہی ہے۔ بے صبری کی بجائے کچھ انتظار کیاجائے اچھے نتائج سامنے آئیں گے۔

ایک نظر اس پر بھی

زرعی قرضوں کی معافی کے ضوابط میں ترمیم جلد: بینڈپا قاسم پور

ریاستی وزیر کوآپریشن بینڈپا قاسم پور نے کہا ہے کہ ریاست میں کسانوں کے قرضوں کی معافی کے متعلق طے کردہ ضوابط میں ترمیم لائی جائے گی اور ایک لاکھ روپیوں تک کا قرضہ ایک خاندان کے ایک ہی فرد کو معاف کرنے کی پابندی ہٹادی جائے گی۔

کرناٹکا میں سیلاب اور بارش سے مچی تباہ کاریوں کی رپورٹ پیش کرنے وزیراعظم مودی نے دی ہدایت؛ سیلاب متاثرین سے کی اظہار ہمدردی

ریاست میں سیلاب اور بارش کی صورتحال سے متاثر کورگ ، ہاسن ، چکمگلور اور ساحلی کرناٹک کے مختلف علاقوں میں مچی تباہی جانی ومالی نقصان اور دیگر تمام تفصیلات یکجا کرکے رپورٹ پیش کرنے وزیراعظم نریندر مودی نے کرناٹک کے اراکین پارلیمان کو ہدایت دی ہے۔

بے تحاشہ ترقیاتی منصوبے کورگ اور کیرلا کی تباہی کا سبب، تعمیرات کا سلسلہ نہ روکا گیا تو دس سال میں دس گنا بڑی مصیبت آنے کا ظاہر کیا گیا خدشہ

کرناٹک اور کیرلا میں طوفانی بارش اور سیلاب سے ہوئی تباہی کے اسباب کا جائزہ لینے کے بعد نیشنل ڈیزاسٹر مینجمنٹ اتھارٹی نے کہا ہے کہ ملک کے پہاڑی علاقوں میں بے روک تعمیرات اور ماحولیاتی طور پر حساس علاقوں کے ماحول کو مکدر کرنے کی مسلسل کوششیں اس تباہی کی اہم وجہ ہے۔

سیلاب متاثرین کی طرف بسکٹ پھینکنے پر وزیر تعمیرات عامہ ایچ ڈی ریونا تنازعے میں گھرگئے؛ کئی حلقوں میں شدید ناراضگی

ریاستی وزیر برائے تعمیرات عامہ ایچ ڈی ریونا کی طرف سے کورگ اور رامناتھ پورہ کے سیلاب زدگان کی راحت کاری مہم کے دوران متاثرین کی طرف بسکٹ پھینکے جانے کا معاملہ تنازعے کا سبب بنا ہوا ہے۔