انضمام سے بینکنگ نظام درست ہوگا:ارون جیٹلی

Source: S.O. News Service | By Shahid Mukhtesar | Published on 5th January 2019, 10:35 AM | ملکی خبریں |

نئی دہلی، 5 جنوری (ایس او نیوز؍آئی این ایس انڈیا )حکومت نے کہا کہ سرکاری شعبہ کے بینکوں کے انضمام کا اس کا تجربہ کامیاب رہا ہے اور یقین دہانی کی اس طریقے میں یہ یقینی بنایا جائیگا کہ اس کی وجہ سے کسی بھی فریق کو کوئی نقصان نہ ہو۔وزیرخزانہ ارون جیٹلی نے جمعہ کو لوک سبھا میں ایک ضمنی سوال کے جواب میں کہا کہ ملک میں سرکاری شعبہ کے 21بینک ہیں اور ان میں سے 11بینک قرض دینے کی حالت میں نہیں ہیں۔اس صورت حال کی وجہ سے یہ بینک مقابلے میں کھڑے نہیں ہوپارہے ہیں اور اپنی حالت میں بہتری کے لئے کسی طرح کا قدم اٹھانا ان کیلئے ممکن نہیں تھا اس لئے کمزور بینکوں کا مضبوط بینکوں میں انضمام کرنے کا فیصلہ کیا گیا۔اس سلسلے میں انہوں نے حال ہی میں بینک آف بڑودا کے ساتھ دو دیگر بینکوں کے انضمام کی مثال پیش کی اور کہا کہ ان میں ایک بینک کی حالت بہت کمزور ہوگئی تھی۔اس کا انضمام دو مضبوط بینکوں میں کیاگیا ہے اور اس انضمام کے بعد بینک آف بڑودا ملک کا دوسرااہم بینک بن جائیگا۔انہوں نے یقین دلایا کہ انضمام کے عمل میں کسی کی بھی نوکری نہیں جائیگی اور نہ ہی کسی ملازم کے زون کو بدلاجائے گا۔وزیرخزانہ نے بینکوں کی غیر فعال اثاثوں(این پی اے)کے بڑھنے کی وجہ بتاتے ہوئے کہاہے کہ 2008سے2014 کے درمیان دیئے گئے قرض کی بہت بڑی رقم چھپائی گئی تھی۔اس کی وجہ سے بینکوں میں این پی اے ڈھائی لاکھ کروڑ روپیسے بڑھ کر ساڑھے آٹھ لاکھ کروڑ روپے پہنچا ہے۔وراثت میں ہمیں بینکوں کی جو صورت حال ملی تھی اس کی وجہ سے بینکوں کی صحت بہت خراب ہوئی لیکن رفتہ رفتہ اس میں بہتری کا عمل شروع کیاگیا آج بینکنگ شعبہ میں بہتری دیکھنے کو مل رہی ہے۔

ایک نظر اس پر بھی

 گجرات:  ٹھاکر کمیونٹی کادقیانوسی قانون،لڑکیوں کے موبائل کے استعما ل پر مکمل پابندی، بھاگ کر شادی کرنے پر اہل خانہ کو بھرنا ہوگا جرمانہ 

گجرات کے بناس کا ٹھا میں ٹھا کر کمیونٹی کی طرف سے 12 دیہات میں عجیب و غریب اور دقیانوسی قوانین بنائے گئے ہیں۔ اس میں ایک اصول ایسا ہے کہ لڑکیاں اپنے پاس موبائل نہیں رکھ پائیں گی۔

 اب تمام علاقائی زبانوں میں ہون گے ڈاک محکمہ کے امتحانات، راجیہ سبھا میں ہنگامہ کے بعد حکومت نے منسوخ کیا پیپر 

ڈاک محکمہ کی گزشتہ ہفتے ہوئے ایک امتحان کا ذریعہ صرف ہندی اور انگریزی رکھنے کی مخالفت میں منگل کو راجیہ سبھا میں کئی جماعتوں کے ارکان کے ہنگامے کی وجہ سے کاروائی کئی بار روکنا پڑی۔

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...