بھٹکل ہیسکام میں 19 مئی کو گاہکوں سے ملاقات کا پروگرام ؛ آج بدھ کو بھٹکل میں الیکٹری سٹی نہیں رہے گی
بھٹکل 16؍مئی (ایس او نیوز)اسسٹنٹ ایکزیکٹیو انجینئر ہیسکام کی طرف سے جاری کردہ پریس ریلیز کے مطابق بروز جمعہ 19 مئی کو صبح 10.30بجے بھٹکل ساگر روڈ پر واقع سب ڈیویژن ہیسکام دفتر میں گاہکوں سے ملاقات کا پروگرام رکھا گیا ہے۔ اس پروگرام کی صدارت ہیسکام سرسی کے ایکزیکٹیو انجینئرکریں گے ، جہاں پر ہیسکام کے گاہکوں کے مسائل اور بجلی کی سپلائی سے متعلقہ امور پر گفتگو کی جائے گی۔
عوام الناس اور اداروں کے ذمہ داران اس میٹنگ میں شریک ہوکر اپنی اپنی شکایتیں، مشورے اور تجاویز دے سکتے ہیں۔ ہیسکام انجینر نے بھٹکل کے عوام سے درخواست کی ہے کہ اس میٹنگ میں گاہک کثیر تعداد میں شریک ہوں اور اپنی باتیں ذمہ داران کے سامنے شئیر کریں۔
آج بدھ کو بجلی نہیں رہے گی: گذشتہ بدھ کی طرح آج بدھ کو بھی بھٹکل میں بجلی سپلائی بند رہے گی۔ پریس ریلیز میں ہیسکام کے اسسٹنٹ انجینر نے بتایا ہے کہ ہیبلے میں الیکٹری سٹی کا کام ہونے کی وجہ سے بھٹکل کے متعدد علاقوں میں صبح نو بجے سے شام پانچ بجے کے درمیان الیکٹری سٹی بند رہے گی۔ عوام الناس سے درخواست کی گئی ہے کہ وہ وقت سے پہلے الیکٹری سٹی کا سبھی کام نپٹالیں اور ہیسکام کے ساتھ تعائون کریں۔
