بھٹکل سرکاری اسپتال میں ایک بھی ڈاکٹر ڈیوٹی پر موجود نہ ہونے پر عوام اور مریض سخت برہم؛ احتجاج کی دھمکی کے بعددوسرے اسپتال کا ڈاکٹر پہنچا اسپتال

Source: S.O. News Service | By I.G. Bhatkali | Published on 15th January 2018, 1:55 PM | ساحلی خبریں | ان خبروں کو پڑھنا مت بھولئے |

بھٹکل 15/جنوری (ایس او نیوز) آج صبح سے بھٹکل سرکاری اسپتال میں ایک بھی ڈاکٹر موجود نہ ہونے کو لے کر مقامی عوام جو مریضوں کو لے کر اسپتال پہنچے تھے، سخت برہم ہوگئے اور اسپتال پر موجود نرس سمیت دیگر اسٹاف پر اپنا غصہ اُتارنے کی کوشش کی۔ اس موقع پر ڈیوٹی پر موجود نرس کو عوام نے آڑے ہاتھوں لیتے ہوئے  دس منٹ کے اندر اندر ڈاکٹر حاضر نہ ہونے پر اسپتال کو تالا لگا کر اسپتال کے باہر دھرنا دینے کی دھمکی دی ۔

واقعے کی اطلاع ملتے ہی بھٹکل پی ایس آئی کوڈگنٹی اپنے عملہ کے ساتھ جائے وقوع پر پہنچ گئے اور عوام کو قابو میں کرنے کی کوشش کی، مگر عوام اس بات پر بضد تھے کہ فوری ڈاکٹر کا انتظام نہیں کیا گیا تو وہ  دھرنے پر بیٹھ جائیں گے۔ 

خبر ملتے ہی بی جے پی لیڈران بھی اسپتال پہنچ گئے اور عوام کی حمایت میں کھڑے ہوتے ہوئے  اسپتال میں ڈیوٹی ڈاکٹر کی غیر موجودگی پر سخت ناراضگی ظاہر کی۔

اسپتال نرس نے بتایا کہ جملہ نو ڈاکٹرس یہاں اپنی خدمات انجام دیتے ہیں،  مگر آج سنکرانتی تہوار ہونے کی بنا پر ڈیوٹی ڈاکٹر نے چھٹی لے لی تھی، مگراُس کی جگہ پر کسی دوسرے ڈاکٹر نے ذمہ داری نہیں سنبھالی، اسی وجہ سے  صبح سے اسپتال میں کوئی ڈاکٹر نہیں ہے ۔ نرس نے بتایا کہ  تعلقہ اسپتال کے انچارج ڈاکٹر منجوناتھ شٹی  کو انہوں نے واقعے کی خبر دی تھی، مگر  ڈیوٹی پر کوئی ڈاکٹر نہیں پہنچ سکا۔ نرس کے مطابق ہم اپنی ڈیوٹی بخوبی انجام دیتے ہیں، ڈاکٹر ڈیوٹی پر نہیں آتے ہیں تو اُس کے لئے ہم لوگ ذمہ دار نہیں ہیں۔

ناراض عوام نے بتایا کہ اسپتال میں صبح سے ڈاکٹر موجود نہ ہونے کی شکایت انہوں نے ضلع کے ہیلتھ آفسر سے فون کے ذریعے کی ہے، مگر اس کے بائوجود کوئی ڈاکٹر ڈیوٹی پر نہیں پہنچا ہے۔

کافی ہنگامے کے بعد بالاخر شرالی سرکاری اسپتال کے ڈاکٹر پرسنّا دوپہر 12 بجے اسپتال پہنچے  اور مریضوں کی جانچ  شروع کی، جس کے بعد عوام کا غصہ کچھ حد تک ٹھنڈا ہوا۔ البتہ صبح سے اسپتال میں کوئی ڈاکٹر موجود نہ ہونے کی وجہ سے زیادہ تر مریضوں کو واپس جاتے ہوئے دیکھا گیا۔ کئی  لوگ اپنے بچوں اور بزرگوں کو اسپتال سے واپس لے جانے پر مجبور ہوئے۔  کئی لوگ آٹورکشہ پر آنے کے بعد جیسے ہی پتہ چلا کہ یہاں کوئی ڈاکٹر نہیں ہے تو اُسی رکشہ پر واپس ہوگئے۔ اسپتال میں صبح سے کوئی ڈاکٹر نہ ہونے کی وجہ سے بالخصوص غریب لوگوں کو سخت پریشانی کا سامنا کرنا پڑا۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...