عہدۂ وزارت کے تئیں عدم اطمینان نہیں ہے: سدارمیا 

Source: S.O. News Service | By Shahid Mukhtesar | Published on 12th June 2018, 11:13 PM | ریاستی خبریں |

بنگلورو12جون (ایس او نیوز؍ آئی این ایس انڈیا ) کرناٹک کے سابق وزیر اعلی سدارمیا نے آج کہا کہ وزیر کے عہدے نہیں ملنے کو لے کر کانگریس کے اندر کوئی اختلاف رائے نہیں ہے اور یقین ظاہر کیا کہ پارٹی کا کوئی بھی رکن اسمبلی بی جے پی سے ہاتھ نہیں ملائے گا۔ کانگریس ۔ جے ڈی ایس مخلوط حکومت کے پانچ سال مکمل کرنے کے خواہاں کانگریس پارٹی اراکین کے لیڈر سدارمیا نے کہاکہ ایسا کوئی نہیں ہے جو غیر مطمئن ہو۔ اب تمام لوگ مطمئن ہیں۔ انہوں نے کہا کہ انہوں نے ایم بی پاٹل سمیت وزیر نہیں بننے سے مبینہ طور پر ناخوش ہر شخص (ایم ایل اے) سے بات کی ہے اوربی جے پی ممبران اسمبلی کو لالچ دینے کی کتنی ہی کوشش کیوں نہ کر لیں، کوئی (اس کے ساتھ) نہیں جائے گا۔دراصل چھ جون کی کابینہ توسیع میں جگہ نہیں ملنے سے نو منتخب کانگریس ممبران اسمبلی کے درمیان عدم اطمینان بڑھ رہا تھا۔ کچھ نے کھل کر عدم اطمینان ظاہر کیا تھا اور علیحدہ ملاقاتیں کی تھی۔ لیکن گزشتہ دو دنوں میں انہیں کام کرنے کی پارٹی قیادت کی کوشش رنگ لائی ہے اور ماحول پرسکون ہوا۔ صوبہ بی جے پی صدر بی ایس یدی یورپا کے اس بیان پر کہ بہت کانگریس لیڈر ان کی پارٹی میں شامل ہونے کے لیے خواہش مند ہیں اس کے جواب میں سدارمیا نے کہا کہ انہیں خود ہی پتہ نہیں ہے کہ وہ کیا بول رہے ہیں۔ مخلوط حکومت کی رابطہ کمیٹی کے سربراہ نے کہا کہ ایجنڈا اب تک تیار نہیں ہوا ہے نئے ریاستی کانگریس صدر کے موضوع پر سابق وزیر اعلی نے کہا کہ انہوں نے اس سلسلے میں راہل گاندھی سے بات نہیں کی ہے، یہاں کام مکمل کرنے کے بعد وہ اس سلسلے میں نئی دہلی جائیں گے۔انتظامی نظام میں وسیع پیمانے پر بدعنوانی ہونے کے وزیر اعلی کمار سوامی کے بیان پر سدارمیانے کہا کہ مجھے پتہ نہیں کہ انہوں نے کہاں بدعنوانی د یکھی ہے۔ 

ایک نظر اس پر بھی

مڈکیری میں سیلاب سے متاثرہ علاقہ کے دورہ کے وقت ہی زمین کھسک گئی؛ ایم پی اور ایس پی بال بال بچ گئے

ضلع کورگ کے مڈکیری عرف مرکیرہ کے رکن اسمبلی اپاجو رنجن کے  بارش سے متاثرہ علاقوں کا  دورہ کرنے کے موقع پر اچانک زمین کھسکنے کی واردات پیش آئی ہے، بتایا گیاہے کہ ان کے ہمراہ ضلع کورگ کی ایس پی ڈاکٹڑ سومنا پنّیکر بھی موجود تھی۔

ریاست کرناٹک میں جاری موسلادھار بارش کی وجہ سے کئی اضلاع متاثر؛ مڈکیری میں قیامت صغریٰ کا منظر

بادل کے پھٹ پڑنے اور جگہ جگہ پہاڑاور زمینات کے کھسکنے سے کورگ ضلع کی حالت بہت ہی سنگین ہوگئی ہے۔ندیوں میں طغیانی ، تیز رفتار سے بہتا پانی ، کھسکتے پہاڑ و زمین کی وجہ سے کورگ ضلع  میں قیامت صغریٰ کا منظر ہے۔ جان ومال کے بھاری نقصان کو دیکھتے ہوئے راحت کاری کے لئے آرمی اور نیوی کے ...

بارش کے متاثرین کی بھرپور مدد کرنے شیوکمار کا مطالبہ

ریاستی وزیر برائے آبی وسائل ومیڈیکل ایجوکیشن ڈی کے شیوکمار نے کہا ہے کہ ریاست کے کورگ ، ملناڈ اور پڑوسی ریاست کیرلا میں مسلسل بارش کے سبب سیلاب کی جو صورتحال پیدا ہوئی ہے اس سے متاثرہ خاندانوں کی مدد کے لئے ریاستی عوام کو فراخدلی سے قدم بڑھانا چاہئے۔