بجلی کے سیکٹرکے لیے کوئلے کی کوئی قلت نہیں:حکومت
نئی دہلی19جولائی(ایس او نیوز؍آئی این ایس انڈیا)کوئلے ، ریلوے ، مالی اور کارپوریٹ امور کے وزیر جناب پیوش گوئل نے آج لوک سبھا میں ایک سوال کے تحریری جواب میں بتایا کہ بجلی کے سیکٹر کے لئے کوئلے کی کوئی قلت نہیں ہے۔ 19-2018کے آغاز میں کول انڈیا لمیٹیڈ (سی آئی ایل) کے پاس 55.55ملین ٹن کوئلے کا اسٹاک تھا اور بجلی گھر میں اسٹاک 16.27 ملین ٹن تھا۔ 19-2018 کے پہلے سہ ماہ میں سی آئی ایل نے بجلی کے سیکٹر کو 122.2 ملین ٹن کوئلہ روانہ کیا تھا ۔
وزیر موصوف نے کہا کہ بجلی کے سیکٹر کو کوئلے کی سپلائی پر بین وزارتی سب گروپ مستقل نظر رکھ رہا ہے۔یہ ذیلی گروپ بجلی ، کوئلہ ، کوئلے ، جہاز رانی ، سینٹرل الیکٹری سٹی اتھارٹی ، نیتی آیوگ اور سی آئی ایل کی وزارتوں کے نمائندوں پر مشتمل ہے ۔ اس ذیلی گروپ کی ہر ہفتے دو مرتبہ میٹنگ ہوتی ہے ۔ تاکہ بجلی پلانٹوں کے لیے کوئلے کے اسٹاک کی پوزیشن سمیت بجلی سیکٹر سے متعلق کسی بھی ہنگامی حالات سے نمٹنے کے لئے مختلف آپریشنل فیصلے کیے جاسکیں۔