بی سی سی آئی کے اجلاس میں اینٹی ڈوپنگ پر نہیں ہوا فیصلہ، اگلی میٹنگ کا انتظار
نئی دہلی 24جولائی(ایس او نیوز؍آئی این ایس انڈیا)ہندوستانی کرکٹ کنٹرول بورڈ (بی سی سی آئی)نے قومی اینٹی ڈوپنگ ایجنسی (ناڈا)کے دائرے میں آنے کے لئے عالمی اینٹی ڈوپنگ ایجنسی (واڈا)کی اپیل پر جلد بازی میں فیصلہ نہیں لینے کا فیصلہ کیا۔یہاں ہوئی منتظمین کی کمیٹی (سی او اے) کے ذریعہ آپر یشن بی سی سی آئی کے اجلاس میں سی او اے کے سربراہ ونود رائے، سی ای او راہل سنار، بی سی سی آئی کے ایگزیکٹو چیئرمین سی کے کھنہ، ایگزیکٹو سیکرٹری امیتابھ چودھری اور خزانچی انیرودھ چودھری نے حصہ لیا۔سابق کپتان اور بی سی سی آئی کے تکنیکی کمیٹی کے چیئرمین سورو گنگولی بھی اجلاس میں موجود تھے۔کھنہ نے اجلاس کے بعد بتایاکہ ہم نے ان معاملات پر تبادلہ خیال کیا، لیکن ابھی تک کوئی فیصلہ نہیں لیا گیا ہے۔ہم جلد ہی ایک اور اجلاس کریں گے۔بورڈ کے ایک اعلی افسر نے کہاکہ ہم نے ناڈا معاملہ اور ٹی -20لیگ کے بارے میں بحث کی تھی۔یہ ایک کھلی بحث تھی اور امید ہے کہ ہم اگلی میٹنگ میں اس پر فیصلہ کریں گے۔گزشتہ کچھ دنوں سے بی سی سی آئی پر ناڈا کے قوانین کے تحت آنے کو لے کر مسلسل دباؤ بڑھ رہا ہے۔ بورڈ کا کہنا ہے کہ وہ قومی کھیل یونین (این ایس ایف)کے دائرے میں نہیں آتا ہے۔اجلاس میں تمل ناڈو پریمیئر لیگ (ٹی این پی ایل)اور کرناٹک پریمیئر لیگ (کے پی ایل)جیسے ذاتی ریاست ٹی -20لیگوں کوکنٹرول کرنے پر بھی بحث ہوئی۔