مودی ، نتیش کمارکی ملاقات، وزیراعلیٰ نے کہا، سیاسی معنی نہ نکالے جائیں
صرف بہارکی ترقی کے مسائل پربات کی،ریاست کی سرکارصحیح سمت میں کام کررہی ہے، مہاگٹھ بندھن میں کوئی اختلاف نہیں
نئی دہلی،27؍مئی(ایس او نیوز؍آئی این ایس انڈیا)صدارتی انتخابات کے لئے حزب اختلاف کی گروہ بندی کی کوششوں اور2019کے لئے مہاگٹھ بندھن کے قواعد کے درمیان بہارکے وزیراعلیٰ اورجے ڈی یوکے قومی صدرنتیش کمار نے آج وزیر اعظم مودی سے ملاقات کی۔ملاقات کے بعدنتیش کمارنے صحافیوں سے خطاب کرتے ہوئے کہا کہ اس ملاقات کے دوران بہارکی ترقی ،گنگا اور کسانوں کے مسائل کولے کربات چیت ہوئی۔نتیش کی مانیں تو انہوں نے ملاقات کے دوران گنگا کے مسئلے کو لے کر افسران کی ایک ٹیم 10جون سے پہلے بھیجنے کی اپیل کی۔
این ڈی اے کے شامل ہونے کے سوال پر نتیش نے کہا کہ اس ملاقات کو لے کر لوگ جو معانی نکالنا چاہیں، نکالیں۔لیکن ان کی یہ ملاقات صرف بہار کی ترقی کے کاموں کو لے کر مرکوز تھی۔ساتھ ہی انہوں نے کہا کہ بہار میں اتحاد کی حکومت صحیح سمت میں کام کر رہی ہے اور جماعتوں کے درمیان کوئی اختلاف نہیں ہے۔پھراگرکوئی سوال کھڑے کرتا ہے تو وہ اس پر اپنی رائے دینا مناسب نہیں سمجھتے ہیں۔اس کے علاوہ بہارکے وزیراعلیٰ نے کہاکہ ماریشس کے وزیراعظم کے اعزازمیں منعقد پروگرام میں آنے کے لئے انہیں دعوت ملی تھی، اس لئے ان کا اس پروگرام میں شریک ہونافرض تھا۔انہوں نے کہا کہ اس پروگرام میں جے ڈی یو سربراہ کونہیں بلکہ بہارکے وزیراعلیٰ کوبلایاگیاتھا۔اگرچہ، نتیش کمار نے صاف کیا تھا کہ وزیر اعظم کے ساتھ ان کی ملاقات پہلے سے طے تھی جو ماریشیس کے وزیر اعظم کے استقبال میں ہونے والے لنچ میں شامل ہونے کو لے کرہے۔نتیش کمارنے کہاکہ سونیاگاندھی کے ساتھ ان کی حال ہی میں ملاقات ہوئی تھی۔جمعہ کے اپوزیشن میٹنگ میں ان کی پارٹی سے شرد یادو شامل ہوئے تھے۔سونیا کی بلائی گئی اپوزیشن میٹنگ میں نتیش کے غیرحاضر رہنے کولے کرخبروں پر بہار کے نائب وزیراعلیٰ اورآر جے ڈی لیڈر تیجسوی یادونے میڈیاکو نشانہ لگایاہے۔تیجسوی نے کہاکہ میڈیا نے اسے چٹنی سیاست بنا دیا ہے۔