لندن میں سنگاپور کے پاسپورٹ پر رہ رہا نیرو مودی: ای ڈی ذرائع
نئی دہلی19 مئی (ایس او نیوز؍ آئی این ایس انڈیا) ڈائمنڈ کاروباری نیرو مودی اور ان کے خاندان کو کروڑوں روپے کے پنجاب نیشنل بینک فراڈ کیس کی تحقیقات میں شامل ہونے کے لئے نافذ کرنے والے ای ڈی کی طرف سے سمن جاری کئے جانے کے با وجود مافیا مودی نے ہدایات کو نظر انداز کرتے ہوئے بیرون ملک رہنا تو دور وہ تفتیش کاروں کی پہنچ سے بھی دور رہے ۔ ای ڈی ذرائع کے مطابق نیرومودی فی الحال سنگاپور کے پاسپورٹ پر لندن میں ہیں جبکہ ان کا بھائی نشال مودی بیلجیم پاسپورٹ پرمقیم ہے ۔نیرومودی کی بہن بھی بلجیم پاسپورٹ پر فی الحال ہانگ کانگ میں ہو سکتی ہیں۔ ذرائع نے کہا کہ اس کے شوہر مینک مہتا کے پاس برطانوی پاسپورٹ ہے اور وہ ہانگ کانگ اور نیویارک کے درمیان گھوم رہا ہے۔ ای ڈی نے نیرو مودی کے والد ، بہن اور اس کے شوہر مینک مہتا کو سمن جاری کیا تھا۔ نام ظاہر نہ کرنے کی شرط پر ای ڈی کے ایک ایک افسر نے بتایا کہ ان کے ای میل کے ذریعے سمن بھیجے گئے ہیں۔ ان تینوں سے ایجنسی کے ممبئی آفس میں ای ڈی تفتیش کاروں کے سامنے پیش ہونے کے لئے کہا گیا تھا تاکہ وہ معاملے میں اپنا بیان درج کروائیں؛ کیونکہ جانچ ایجنسی ممبئی کی عدالت میں منی لانڈرنگ ایکٹ کے خصوصی دفعات میں چارج شیٹ دائر کرنے کے عمل میں ہے ۔