اتر پردیش کے ہمیر پورمیں نو سال کی بچی سے عصمت دری
باندہ 20؍اگست (ایس او نیوز؍ آئی این ایس انڈیا ) ہمیر پور ضلع کے موداہا تھانہ حلقہ میں نو سال کی بچی کے ساتھ ایک نوجوان کی جانب سے مبینہ طور پر عصمت دری کیے جانے کا معاملہ سامنے آیا ہے۔
ایڈیشنل پولیس نے بتایا کہ بچی گھر کے باہر کھیل رہی تھی۔ پڑوس کے نریش سونی (24) اسے بہلا پھسلا کر ویران جگہ لے گیا اور اس کے ساتھ عصمت دری کی ۔ بعد میں بچی ملزم کے گھر سے ملی ۔
پولیس کے مطابق بچی کی حالت نازک بنی ہوئی ہے۔ اسے علاج کے لئے کانپور لے جایا گیا ہے۔انہوں نے کہا کہ معاملے میں ایف آئی آر درج کر لی گئی ہے اور اب تک ملزم کو گرفتار نہیں کیا جا سکا ہے۔