اسرائیلی فوج کی غزہ میں فائرنگ سے 9 فلسطینی شہری زخمی
غزہ 8اپریل(ایس او نیوز؍ آئی این ایس انڈیا) قابض صہیونی فوج نے فلسطین کے علاقے غزہ کی پٹی میں فائرنگ کرکے کم سے کم نو فلسطینی شہریوں کو زخمی کردیا۔نامہ نگار کے مطابق اتوار کو علی الصباح اسرائیلی فوج نے وسطی غزہ میں البریج کیمپ پر فائرنگ کی جس کے نتیجے میں 8 فلسطینی زخمی ہوگئے۔فلسطینی وزارت صحت کے ترجمان ڈاکٹر اشرف القدرہ نے بتایا کہ اسرائیلی فوج نے مشرقی غزہ میں پرامن مظاہرین پر گولیاں چلائیں جس کے نتیجے میں تین فلسطینی زخمی ہوگئے جب کہ پانچ فلسطینی شہری البریج کیمپ میں زخمی ہوئے ہیں۔ادھر نامہ نگار کے مطابق وسطی غزہ میں اسرائیلی فوج نے ایک 16 سالہ بچے کو گولی ماردی جس کے نتیجے میں اس کی ٹانگ میں زخم آ ئے ہیں اور اسے علاج کے لیے شہداء4 الاقصیٰ اسپتال منتقل کردیا گیا ہے۔