این آئی اے نے آر ایس ایس لیڈر کے قتل سے متعلق معاملہ درج کیا
نئی دہلی 18 نومبر ( ایس او نیوز؍آئی این ایس انڈیا ) قومی جانچ ایجنسی (این آئی اے) نے لدھیانہ میں آر ایس ایس لیڈر قتل کے سلسلے میں کیس درج کیا ہے۔پنجاب حکومت نے تقریبا ایک ماہ پہلے کی انکوائری کی ذمہ داری مرکزی ایجنسی کو سونپنے کا فیصلہ کیا تھا۔ مذکورہ آر ایس ایس لیڈرگزشتہ ماہ لدھیانہ میں صبح جب آر ایس ایس برانچ سے گھر واپس آ رہے تھے تو موٹر سائیکل سوار دو حملہ آوروں نے اس پر حملہ کر دیا تھا جس کے نتیجہ میں اس کی موقع پر ہی موت ہوگئی تھی اور حملہ آور فرار ہونے میں کامیاب ہوگئے تھے ۔ایک سرکاری ترجمان نے کہا کہ این آئی اے نے وزارت داخلہ کے حکم کے مطابق جمعرات کو جودھیوال تھانے میں غیر قانونی سرگرمی کی روک تھام قانون کی دفعہ 10، 12 اور 13، تعزیرات ہند کی دفعہ 302 اور 34 اور اسلحہ ایکٹ کی دفعہ 25 کے تحت مقدمہ دوبارہ درج کیا ہے ۔ نئی دہلی سے این آئی اے کی ایک ٹیم انکوائری کرنے لدھیانہ پہنچ چکی ہے ۔