گجرات:راجکوٹ میں دلت قتل کا معاملہ، قومی انسانی حقوق نے مانگا ریاستی حکومت سے جواب
نئی دہلی،22؍مئی ( ایس او نیوز؍آئی این ایس انڈیا )گجرات کے راجکوٹ میں دلت کو پیٹ پیٹ کر قتل کرنے کے معاملے کو قومی انسانی حقوق نے نوٹس میں لیا ہے۔پولیس نے میت کی بیوی کی شکایت پر ایف آئی آر درج کر لیا ہے۔متاثرہ خاندان ایک کباڑی کی دکان میں کوڑا اٹھانے گیا تھا۔لیکن کہا جا رہا ہے کہ وہاں کے ملازمین نے ان لوگوں کو چور سمجھ لیا اور ان میں سے ایک کو باندھ کر بری طرح پیٹا۔پولیس نے اس معاملے میں 5 افراد کو گرفتار کیا ہے۔ان کے خلاف قتل اور ایس سی-ایس ٹی ایکٹ کے تحت مقدمہ درج کر لیا ہے۔ وہیں میڈیا میں آئی خبروں کو نوٹس میں لیتے ہوئے کمیشن نے اسے سنگین مسئلہ مانا ہے۔کمیشن نے اس واقعہ کو لے کر گجرات کے چیف سکریٹری کو ایک نوٹس جاری کر ریاستی حکومت سے 4 ہفتے میں رپورٹ مانگی ہے۔غور طلب ہے کہ گجرات کے راجکوٹ سے ایک دل دہلا دینے والی ویڈیو سامنے آئی ہے جہاں کوڑا اٹھانے والے دلت کی بھیڑ نے جم کر پٹائی کر دی۔اس معاملے میں شوہر کی موت ہو گئی جبکہ اس کی بیوی شدید زخمی ہو گئی۔واقعہ کے بعد سے متاثرہ خاندان پوسٹ مارٹم ہاؤس کے باہر دھرنے پر بیٹھا ہوا ہے۔دراصل راجکوٹ رادادیا علاقے میں یہ خاندان کوڑا اٹھانے آیاتھا۔الزام ہے کہ اسی وقت وہاں موجود ایک فیکٹری کے مالک نے انہیں چور سمجھ کر مارنا شروع کر دیا۔