این جی ٹی ۔بی پی ایل کرکٹ ٹورنامنٹ؛ ابوظبی رائڈرس کی شاندار جیت؛ ۴ پارٹنرس کو ملا دوسرا مقام
عجمان 28/ فروری (ایس او نیوز) این جی ٹی۔ بی پی ایل2017 کے فائنل میں پہلی مرتبہ شرکت کرنے والے دو ٹیمیں فائنل میں پہنچیں اور ابوظبی رائیڈرس نے شاندار جیت درج کرتے ہوئے فور پارٹنر چارجرس کو 39 رنوں سے شکست دیتے ہوئے کپ جیت لیا۔
آخری ہفتہ یعنی جمعہ 24 فروری کو دو سیمی فائنل اور فائنل میچ کھیلے گئے۔پہلا سیمی فائنل یونیک اسٹرائکر اور ۴ پارٹنرچارجرس کے درمیان کھیلا گیا ۔ ٹاس جیت کر فور پارٹنر چارجرس نے یونیک اسٹرائیکر کو پہلے بلے بازی کی دعوت دی جس میں مقررہ ۲۰ اوروں میں یونیک اسٹرائیکر نے کرکٹ زبان میں بولے جانے والے نیلسن اسکوریعنی ۱۱۱ رن بنائے جس میں عبدالقوی موٹیا کے 30 رن شامل ہیں‘ اسماعیل فرکد فکردے نے چار کھلاڑیوں کو پویلین بھیج کر یونیق کی کمر توڑ ڈالی ۔۱۱۲ رن کا پیچھا کرتے ہوئے ۴ پارٹنر کی شروعات اچھی نہیں رہی سلامی بلے باز حسنین رضا صرف ۲ رن بناکر آوٹ ہوگئے ۔ فیروز شانو نے 36 اور عبدالمقیط کوچاپو نے 22 رن بنائے ۔ یونیق کے باولروں میں کچھ خاص اثر نہیں دیکھا گیا اور ۴ پارٹنرس نے مقررہ نشانہ میچ ۵ وکٹوں کے نقصان پر 16 اوورں میں ہی حاصل کرلیا ۔ اسماعیل فرکد کو مین آف دی میچ سے نوازا گیا ۔
دوسرا سیمی فائنل ڈی وی ایس اسمیشر اور ابوظبی رائڈرس کے درمیان کھیلا گیا۔ پہلے بیٹنگ کرتے ہوئے ڈی وی ایس اسمیشر نے 152 رن بنائے جس میں رمضان بیری نے ۳۵ اور جندوب مٹا نے ۵۱ رن بنائے ‘ ابوظبی رائڈرس کی طرف سے عبدالباسط معلم اور اعجاز صدیق نے تین تین وکٹ حاصل کئے۔ ابوظبی رائڈرس کی طرف سے عبدالباسط معلم نے 21 گیندوں میں ۵ چھکوں اور ۴ چوکوں کی مدد سے 51 رن بنائے اوراپنی ٹیم کو جیت سے ہمکنار کردیا۔انہیں بہترین بلے بازی کے ساتھ ساتھ تین وکٹیں بھی حاصل کرنے پر مین آف دی میچ کےاعزاز سے نوازا گیا۔
فائنل میچ سے قبل ٹرافی کا افتتاح ہوا اور پچھلے تمام میچوں میں نمایاں کامیابی دلانے والے کھلاڑیوں کو مین آف دی میچ ٹرافی سے نوازا گیا۔ فائنل میچ ابوظبی رائڈرس اور ۴ پا رٹنرس کے درمیان کھیلا گیا۔
پہلے بیٹنگ کرتے ہوئے ابوظبی رائڈرس نے مقررہ ۲۰ اوورں میں ۸ وکٹوں کے نقصان پر 181 رن بنائے جس میں سید اسماعیل آفضان نے ۳۸ ‘ حسام ملا نے ۳۲ اور اعجاز صدیق نے ۲۳ رن بنائے جب کہ عفیف محتشم نے ۳ اور فرکد اور وحید نے دو دو وکٹ حاصل کئے ‘ 182 رنوں کا پیچھا کرتے ہوئے ۴ پارٹنرس چار جرس صرف 142 رن ہی بنا پائے، جس میں مصعب خطال کے 51 رن اور آخلاق محتشم کے ۲۴ رن شامل ہیں۔ عبدالباسط معلمی نے بہترین گیند بازی کی انہوں نے 14 رن دے کر 4 وکٹ حاصل کئے او ر ٹورنامنٹ کے سینئر کھلاڑی اشرف علی مصباح نے 36رن دے کر 4 وکٹ حاصل کئے ۔ ا س طرح پہلی مرتبہ شرکت کرنے والی ابوظبی رائڈرس کی ٹیم نے این جی ٹی بی پی ایل 2017 چیمپئن کا خطاب 39 رنوں سے جیت لیا۔
عبدالبا سط معلمی کو مین آف دی فائنل کا ایوارڈ دیا گیا۔
اختتامی تقریب میں خطاب کرتے ہوئے قائد قوم ڈاکٹر ایس ایم سید خلیل صاحب نے کہا کہ ہمارے نوجوان ہر میدان میں بازی مار سکتے ہیں جیسا کہ یہاں بھٹکل سے دور خلیجی ملک میں اتنا شاندار ٹورنامنٹ منعقدکرکے اپنے جوہر دکھلائے ہیں ۔ انہوں نے تمام کھلاڑیوں اور آرگنائزر کو مبارکباد پیش کی ۔ بی پی ایل چیرمین جناب عتیق الرحمن منیری نے ٹورنامنٹ میں حصہ لینے والی ٹیموں اور شائقین کا شکریہ ادا کرتے ہوئے کہا کہ اس ٹورنامنٹ کی کامیابی میں آپ تمام لوگ شامل ہیں انہوں نے تمام ٹیموں کے کھلاڑیوں کو مبارکباد دی اور اتنا شاندار کھیل پیش کرنے پر ان کی تعریف کی اور کہا کہ Connecting young Bhatkalies کے نعرہ سے شروع ہوا ٹورنامنٹ کا یہ سلسلہ الحمدللہ آگے بڑھ رہا ہے ۔ انہوں نے فائنل کے بازی گر ابوظبی رائڈرس کو پہلی مرتبہ شرکت کرکے بازی مارنے پر مبارکباد پیش کی ۔
انجمن کے پروفیشنل بورڈ سکریٹری جناب قمری آفتاب صاحب جو اعزازی مہمان کی حیثیت سے موجود تھے، اپنے تاثرات میں کہا کہ اتنا شاندار ٹورنامنٹ منعقد کرکے یہاں کے نوجوانوں نے آپس میں ملنے کا ایک اچھا موقع فراہم کیا ہے ۔مجھے بھی یہاں آکر بہت سے پرانے دوستوں سے ملاقات اور آپسی مذاکرہ کرنے کا موقع ملا۔ محمد اشفاق صاحب نے کہا کہ آرگنائزر سے زیادہ ٹیمیں جو اپنے تمام کھلاڑیوں کے ساتھ اتنی محنت اور وقت کی پابندی کے ساتھ شرکت کرتے ہوئے اس ٹورنامنٹ کو کامیابی کے ساتھ آگے بڑھاتی ہے ان کو اس کا سہرا جاتا ہے ۔ انہوں نے فائنل میں جیت حاصل کرنے والی اور شکست کھانے والی دونوں ٹیموں کو مبارکباد دی۔
مرکز النوائط ابوظبی کے صدر جناب کاڈلی حسیب صاحب نے بھی اپنے تاثرات پیش کئے ‘ اس سے پہلے محمد ابن مولوی شکیب شاہ بندری کی تلاوت سے تقریب کا آغاز ہوا ‘ جیلانی محتشم نے مہمانوں کا تعارف پیش کیا ‘ سرپرست بی پی ایل جناب محمد غوث خلیفہ نے کلمہ تشکر پیش کیا ۔ جی سی ممبر عمران خطیب اور الطاف پٹھان نے نظامت کی ۔
پہلا انعام مع ٹرافی AED 7777 اور رنر آپ مع ٹرافی 5555 بالترتیب ابوظبی رائیڈرس اور فور چارجرپارٹنرس کو دیا گیا - اس کے علاوہ معتصم جاکٹی کو پلیر آف دی ٹورنامنٹ ‘ طحہ معلم کو بیسٹ بولر ‘ عاقب حیدر کو بیسٹ بیٹسمن اور عبادہ برماور کو زیادہ چکھے لگانے پر انعامات و ٹرافی سے نوازا گیا ۔
بی پی ایل کونسل کے کمیشنر جناب کے ایم وسیم اسٹیج پر موجود تھے ۔ بی پی ایل ٹورنامنٹ میں مسلسل ہر میچ کو دیکھنے آنے والے بزرگ جناب شمس الدین شاہ بندری کی شال پوشی کی گئی ۔ بھٹکل کے ماضی کے بہترین کھلاڑی جناب زبیر مصباح اور سلیم پیرزادے کو ان کی لائف ٹائم شاندار کارکردگی پر تہنیت کی گئی ۔ اختتامی تقریب میں زیادہ شائقین کرکٹ موجود تھے ۔ اس کے علاوہ فیر پلے Fair Play ٹیم کے ایوارڈ کا اعلان گورننگ کونسل میٹنگ میں لیا گیا اور اس کے لئے ڈی وی ایس اسمیشرٹیم کو منتخب کیا گیا۔ اس ٹیم کے کپتان نور ائیکری اور ٹیم مینجر فا ئق ادیاور نے بی پی ایل کمیشنرکے ایم وسیم کے ہاتھو ں یہ ٹرافی حاصل کی۔
