1لاکھ موٹرسائیکل کے ساتھ ریلی نکالیں گے امت شاہ، این جی ٹی نے کھٹر حکومت سے مانگاجواب
نئی دہلی،09؍ فروری (ایس او نیوز؍آئی این ایس انڈیا)بھارتیہ جنتا پارٹی کے صدر امت شاہ 15 فروری کو جیند ہریانہ میں مجوزہ موٹر سائیکل ریلی پر مسلسل گرہی لگتاجارہاہے۔اس سے پہلے جاٹوں نے اس ریلی کو روکنے کا اعلان کیا ہے، اب اس ریلی کے خلاف این جی ٹی میں ایک درخواست درج کی گئی ہے۔ این جی ٹی میں درج درخواستوں میں یہ کہا گیا ہے کہ امت شاہ کی ریلی سے آلودگی کا خطرہ ہوسکتا ہے، کیونکہ اس میں ایک لاکھ سے زیادہ بائیک شامل ہوں گی۔این جی ٹی نے ہریانہ حکومت کو 13 فروری کو اس معاملے پر فوری طور پر کارروائی کرنے کے معاملے پر جوابی کارروائی کا مطالبہ کیا ہے۔یہ درخواست وکٹر ڈھیسانامی وکیل نے سمیر سوڑھی کی طرف سے داخل کی ہے۔غور طلب ہے کہ امت شاہ کی مجوزہ ریلی کوروکنے کااعلان اکھل بھارتیہ جاٹ ریزرویشن کمیٹی نے بھی کیا ہے۔ کمیشن کی جانب سے جیند میں 750 ٹریکٹروں کا رجسٹریشن اب تک ہوچکاہے۔وہیں کمیٹی دوسرے اضلاع میں رجسٹریشن کاکام چلارہی ہے۔جاٹ ریزریشن کی تحریک میں ہلاک ہونے والے لوگوں کی یاد میں ریاست میں 18فروری کویوم قربانی منایا جارہا ہے۔ جس کے سبب15 فروری کوجیندکی 7 اہم سڑکوں پر بچوں اورخواتین کے ساتھ ٹریکٹر ٹریلی کے ساتھ جاٹ پہنچیں گے۔