برجیش ٹھاکر کے این جی او کا رجسٹریشن منسوخ، بینک ٹرانزیکشن پر روک لگی
مظفر پور پٹنہ:11/ اگست (ایس او نیوز/آئی این ایس انڈیا) بہار حکومت نے برجیش ٹھاکر کے این جی او کا رجسٹریشن منسوخ کر دیا ہے جو مظفر پور میں اس شلیٹرہاؤس کوچلارہاتھاجہاں ایک مدت کے دوران34لڑکیوں کا مبینہ طور پر جنسی استحصال کیا گیا۔اس سلسلے میں ایک افسر نے یہاں بتایا کہ اس کے ساتھ ہی این جی او کی املاک کی فروخت پر پابندی لگا دی گئی اور بینک اکاؤنٹس کے لین دین پر بھی روک لگا دی گئی۔مظفرپورضلع رجسٹریشن آفیسر سنجے کمار کے مطابق سروس قرارداد ایوم ترقی کمیٹی کے بینک اکاؤنٹس کے لین دین اور اس کے ٹرانزیکشن اور رئیل پراپرٹی کی خریداری اور فروخت پر روک کا حکم سات اور آٹھ اگست کو ضلع مجسٹریٹ محمدسہیل کی جانب سے دیاگیا۔دل چسپ بات یہ ہے کہ ٹھاکر کا نام این جی اوکے عہدیداروں اور ارکان میں شامل نہیں ہے۔