آئی پی ایل کے اگلے سیزن میں دہلی کے لئے کھیل سکتے ہیں گوتم گمبھیر

Source: S.O. News Service | By Shahid Mukhtesar | Published on 16th April 2017, 10:58 AM | اسپورٹس |

نئی دہلی،15اپریل(ایس او نیوز؍آئی این ایس انڈیا)شاہ رخ خان کی ملکیت والی آئی پی ایل کی ٹیم کولکاتا نائٹ رائڈرس کو کامیاب خطاب دلا چکے کپتان گوتم گمبھیر اگلے سیزن میں دہلی کے لئے کھیلنا چاہتے ہیں۔ بتا دیں کہ گوتم گمبھیر دہلی کے رہائشی ہیں اور رنجی میں بھی دہلی کی جانب سے ہی کھیلتے ہیں، اگرچہ گمبھیر کولکاتہ کی کپتانی کر رہے ہیں لیکن ان کا دل تو دہلی کی ٹیم کے ساتھ منسلک ہے۔ گوتم گمبھیر کا کہنا ہے کہ وہ دل سے دہلی ٹیم کے ہیں اور دوبارہ انہیں دہلی کی ٹیم کے ساتھ کھیلنے کا موقع ملے گا تو انہیں خوشی ہوگی۔ بتا دیں کہ گوتم گمبھیر 3 سال دہلی کی نمائندگی کر چکے ہیں۔ گمبھیر نے کہا ہے کہ اب بھی میرے دل میں دہلی ہی ہے اور میں اپنے کیریئر کا اختتام دہلی کے ساتھ ہی کرنا چاہتا ہوں، اگرچہ انہوں نے کہا کہ میں اس وقت کولکاتہ کے لئے کھیل رہا ہوں اور میں چاہتا ہوں کہ اس بار آئی پی ایل کا خطاب ہماری ٹیم ہی جیتے۔ بتا دیں کہ 2012، 2014 میں کولکاتہ نے دو بار آئی پی ایل کا خطاب جیتا ہے۔
 

ایک نظر اس پر بھی

دبئی کر سکتا ہے 2019میں کبڈی ورلڈ کپ کی میزبانی

دبئی 2019 میں چوتھے کبڈی ورلڈ کپ کی میزبانی کر سکتا ہے۔بین الاقوامی کبڈی فیڈریشن کی 29 جون کو یہاں ہونے والی سالانہ عام سبھا کی میٹنگ میں یہ بحث کا اہم موضوع ہوگا۔کبڈی فیڈریشن کے صدر جناردن سنگھ گہلوت نے کہا کہ یہاں کبڈی ماسٹرز کے انعقاد کا بنیادی مقصد ورلڈ کپ 2019 کے لئے اسٹیج تیار ...

راجر فیڈرر کو پیچھے چھوڑ کر ٹاپ پہنچے رافیل نڈال

اسپین کے رافیل نڈال مردوں کے اے ٹی پی رینکنگ میں اپنے روایتی حریف راجر فیڈرر کو شکست کر پھر سے ٹاپ پرپہنچ گئے ہیں۔فیڈرر کو اے ٹی پی ہالے گراس کورٹ ٹورنامنٹ کے فائنل میں شکست کا خمیازہ رینکنگ میں ٹاپ مقام گنوا کر چکانا پڑا۔

ون ڈے سیریز میں انگلینڈ نے آسٹریلیا کو ہرا کر کلین سوئپ مکمل کرلیا

مانچسٹر میں کھیلے گئے میچ میں آسٹریلیا کی ٹیم پہلے بیٹنگ کرتے ہوئے 35ویں اوور میں 205 رنز بناکر آؤٹ ہوگئی، اُن کی جانب سے ٹریوس ہیڈ نے 56،شارٹ نے 47 اور کیرے نے 44رنز اسکور کیے، معین علی نے چار اور کارن نے دو وکٹیں حاصل کیں۔