نیوزی لینڈ خواتین کرکٹ ٹیم کا عالمی ریکارڈ، ونڈے میچ میں بنائے 490/4

Source: S.O. News Service | By Shahid Mukhtesar | Published on 10th June 2018, 12:24 PM | اسپورٹس |

ڈبلن ،09؍جون ( ایس او نیوز؍آئی این ایس انڈیا ) کپتان سوجی بیٹس کی 151 رنز کی بدولت نیوزی لینڈ کی خواتین کرکٹ ٹیم نے ون ڈے میچوں میں نیا ریکارڈ بناتے ہوئے یہاں آئر لینڈ کے خلاف پہلے ون ڈے میں چار وکٹ پر 490 رن بنائے۔وائٹ پھرنس کے نام سے پہچانی جانی والی نیوزی لینڈ کی ٹیم کا یہ اسکور مرد کرکٹ سمیت کسی بھی ون ڈے بین الاقوامی میچ کا سب سے زیادہ ہے۔مرد کرکٹ میں سب سے زیادہ رنز کا ریکارڈ انگلینڈ کے نام ہے جس میں اگست 2016 میں نوٹنگھم میں پاکستان کے خلاف تین وکٹ پر 444 رن بنائے تھے۔یہ ناقابل یقین بلے بازی کے ساتھ نیوزی لینڈ کی خواتین ٹیم نے اپنے ہی ریکارڈ کو بہتر بنایا۔اس سے پہلے ٹیم نے جنوری 1997 میں کرائسٹ چرچ میں پاکستان کے خلاف پانچ وکٹ پر 455 رن بنائے تھے۔خواتین کرکٹ میں یہ صرف تیسرا موقع ہے جب ون ڈے انٹرنیشنل میچ میں 400 سے زیادہ رن بنے ہیں۔نیوزی لینڈ کے علاوہ یہ کارنامہ صرف آسٹریلیا نے کیا ہے۔آسٹریلیا نے ممبئی میں ڈنمارک خاتون ٹیم کے خلاف دسمبر 1997 میں تین وکٹ پر 412 رن بنائے تھے۔بیٹس کی طرف 94 گیندوں کی اننگز میں 24 چوکے اور دو چھکے لگے تو وہیں مڈی گرین نے 105 گیندوں میں 17 چوکے اور دو چھکوں کی مدد سے 121 رنز کی اننگز کھیلی. اس میچ میں 64 چوکے اور سات چھکے لگے۔

ایک نظر اس پر بھی

وارنر آسٹریلیا ،انگلینڈ ون ڈے سیریز میں کمنٹری کریں گے

ایک برس کی پابندی کا شکار آسٹریلوی کرکٹر ڈیوڈ وارنر آسٹریلیا اور انگلینڈ کی ٹیموں کے درمیان ہونے والی ون ڈے سیریز میں کمنٹری کریں گے۔ڈیوڈ وارنر سمیت اسٹیو اسمتھ اور کیمرون بین کرافٹ بال ٹیمپرنگ ایشو میں پابندی کا سامنا کر رہے ہیں۔

شکیب الحسن نے انٹرنیشنل کرکٹ میں سنگ میل عبور کر لیا

بنگلہ دیش کے اسٹار کرکٹر شکیب الحسن نے اپنے انٹرنیشنل کرکٹ کیریئر میں 500 وکٹیں مکمل کرلیں، شکیب الحسن ٹیسٹ، ون ڈے اور ٹی ٹوئنٹی تینوں فارمیٹس میں 10ہزار سے زائد رنز اور 500 یا زائد وکٹیں لینے والے دنیا کے تیسرے آل راونڈر بن گئے۔

مصر کے شائقین کو زخمی صلاح سے کافی امیدیں

مصر کے سپر اسٹار فٹ بالر محمد صلاح نے ورلڈ کپ کی فائنل ٹریننگ میں بھرپور شرکت کی، وہ پر امید ہیں کہ میگا ایونٹ کے پہلے میچ میں یوروگوائے کے خلاف ایکشن میں ہوں گے ۔

جنوبی افریقہ خاتو ن ٹیم نے پہلے ون ڈے میں انگلینڈ کو سات وکٹ سے شکست دے دی

جنوبی افریقہ خاتون ٹیم نے گیند بازوں کی شاندار کارکردگی کی بدولت بل یہاں پہلے ایک روزہ بین الاقوامی میچ میں عالمی چمپئن انگلینڈ پر سات وکٹ کی جیت درج کی۔جنوبی افریقہ کو گزشتہ سال ورلڈ کپ سیمی فائنل میں میزبان انگلینڈ سے ہاتھوں شکست کا سامنا کرنا پڑا تھا۔