نیوزی لینڈ نے انٹر کانٹیننٹل کپ میں چینی تائی پے کو1-0سے شکست دی

Source: S.O. News Service | By Shahid Mukhtesar | Published on 7th June 2018, 12:28 PM | اسپورٹس |

ممبئی ،06؍جون ( ایس او نیوز؍آئی این ایس انڈیا ) ماییر بیون کے پنالٹی پر گول کی بدولت نیوزی لینڈ نے انٹرکانٹینینٹل کپ میں یہاں چینی تائی پے کو 1-0 سے شکست دے کر فائنل میں جگہ بنانے کی توقعات کو برقراررکھا ہے۔ ممبئی فٹ بال ایرینا میں میچ کا واحد گول 36 ویں منٹ میں بیون نے پنالٹی پر کیا۔پہلے ہاف میں ہنری کیمرون کے شاٹ کو چینی تائی پے کے گول کیپر نے روکا لیکن رباڈ پر گیند سرپریت سنگھ کے پاس پہنچ گئی۔ سرپریت شاٹ لگا پاتے اس سے پہلے ہی تائی پے کے جوکوئی ک ہنگ نے انہیں باکس کے اندر گرا دیا۔ریفری نے ہنگ کے چیلنج پر نیوزی لینڈ کو پنالٹی دیا اور بیون نے اسیگول میں تبدیل کرنے میں کوئی غلطی نہیں کی۔ ٹائم آوٹ تک نیوزی لینڈ کی ٹیم 1-0 سے آگے تھی۔ دوسرے ہاف میں دونوں ٹیموں نے کئی اچھے مواقع بنائے لیکن کسی کو بھی گول کرنے میں کامیابی نہیں ملی۔ اس جیت سے نیوزی لینڈ کے دو میچوں میں ایک جیت اور ایک شکست سے تین پوائنٹس ہو گئے ہیں۔ تائی پے کی دو میچوں میں یہ دوسری شکست ہے اور اس نے اب تک اپنا کھاتہ نہیں کھولاہے اور ٹیم فائنل کے دوڑ سے تقریبا باہر ہو گئی ہے۔ہندوستان دو میچوں میں دو جیت سے چھ پوائنٹس کے ساتھ سب سے اوپر چل رہا ہے۔ کینیا کے بھی دو میچوں میں تین پوائنٹس ہیں۔ نیوزی لینڈ اب اپنے آخری راونڈ رابن میچ میں سات جون کو ہندوستان سے بھڑیگا جبکہ اس کے اگلے دن کینیا کا سامنا تائی پے سے ہوگا۔ فائنل 10 جون کو کھیلا جائے گا۔

ایک نظر اس پر بھی

ایان مورگن کے ورلڈ ریکارڈ چھکوں کی بدولت انگلینڈ نےافغانستان کودی شکست

 کپتان ایان مورگن کے ریکارڈ 17 چھکوں سے آراستہ 148 رنوں کی بہترین اننگ کی بدولت دنیا کی نمبرایک ٹیم انگلینڈ نے افغانستان کو آئی سی سی ورلڈ کپ میچ میں منگل کے روز 150 رن سے شکست دے کر پوائنٹس ٹیبل میں سرفرہست مقام حاصل کر لیا۔ انگلینڈ نے اس میچ میں ریکارڈ توڑکارکردگی کا مظاہرہ کرتے ...

ورلڈ کپ میں ہندوستان کی پاکستان کے خلاف لگا تار ساتویں جیت ، ڈک ورتھ لوئس کے تحت 89 رنوں سے شکست

آئی سی سی کرکٹ ورلڈ کپ 2019 کے 22ویں میچ میں ہندستان اور پاکستان کا مقابلہ بارش کی وجہ سے رکا ہوا ہے ۔ تاہم اگر یہاں سے میچ نہیں ہوتا ہے ہندوستانی ٹیم کی جیت یقینی ہے کیونکہ ڈک ورتھ لوئس کے اعتبار سے ہندوستان 86 رنوں سے پاکستان سے آگے ہے۔

سچن تندولکر نے کیا آسٹریلیائی کمپنی پر مقدمہ، 20 لاکھ ڈالر کا مطالبہ

ہندستانی آئکن کرکٹر سچن تندولکر نے آسٹریلیائی بیٹ بنانے والی کمپنی اسپارٹن اسپورٹس پر 20 لاکھ ڈالر کی رائلٹی ادا نہ کرنے کے خلاف مقدمہ درج کرایا ہے۔ سچن نے کمپنی پر ان کے نام کا استعمال کرتے ہوئے اپنے پروڈكٹس فروخت کرنے کا الزام لگایا اور انہیں رائلٹی نہیں دینے کے خلاف فیڈرل ...