کولکاتہ19فروری(ایس او نیوز؍آئی این ایس انڈیا)ترنمول کانگریس پارٹی (ٹی ایم سی)ور جیہ بچن کے درمیان دوستی کے نئے رشتے سگ بگاہٹ ہے۔سماجوادی پارٹی کی لیڈرجیابچن کے جلد ہی ٹی ایم سی میں شامل ہونے کو لیکر قیاس آرائیاں ہو رہی ہیں۔انڈین ایکسپریس کی خبر کے مطابق ٹی ایم سی سے جڑے ذرائع نے بتایا ہیکہ ٹی ایم سی جیا بچن کو مغربی بنگال سے راجیہ سبھا کیلئے نامزد کر سکتی ہے۔ٹی ایم سی کے ذرائع نے بتایا کہ ہماری 4سیٹیں خالی ہونے والی ہیں۔ان سیٹوں کے لیے کئی لوگ اپنا دعوی کر رہے ہیں۔حالانکہ اس مرتبہ2نئے ممبرراجیہ سبھا میں دکھائی دے سکتے ہیں۔ٹی ایم سی کے ایک سینئر لیڈر نے کہاہے کہ جیا بچن ’’بنگال کنیکشن‘‘ہونے کی وجہ سے نامزدگی کرنے والوں میں ان کا نام مضبوط ہو کر ابھرا ہے۔حالانکہ اس بارے میں آخری فیصلہ ممتا بنرجی کریں گی۔ٹی ایم سی اپنے امیدواروں کے ناموں کا اعلان 18مارچ کو کریگی۔جیابچن کا بطور راجیہ سبھا پارلیمانی وقت3اپریل کوختم ہورہاہے۔وہ 3مرتبہ راجیہ سبھا کی ممبر رہ چکی ہیں۔واضح ہوکہ اپریل میں راجیہ سبھا کے58ممبران کا وقت پورا ہو رہا ہے۔جبکہ سماجوادی پارٹی کے کھاتے میں صرف ایک ہی سیٹ ہے۔