مرکزی خلیفہ جماعت المسلمین بھٹکل کی نئی انتظامیہ کی تشکیل؛ نئے عہدیداران کا بھی انتخاب؛ محتشم محمد جعفر صدر اور عسکری حمیداللہ جنرل سکریٹری منتخب
بھٹکل 29/جنوری (ایس او نیوز) مرکزی خلیفہ جماعت المسلمین بھٹکل کے لئے آج پیر شام کو عہدیداران کا انتخاب عمل میں آیا جس میں محتشم برنی محمد جعفر صاحب صدر اور جناب عسکری حمیداللہ صاحب جنرل سکریٹری کے اہم عہدوں کے لئے منتخب کئے گئے۔اس سے پہلے گذشتہ دو نشستوں میں مقامی اور بیرونی ارکان انتظامیہ کی تشکیل عمل میں آئی تھی جس میں کئی نئے چہروں بالخصوص نوجوانوں کو شامل کئے جانے کی خبر ہے۔
جملہ عہدیداروں کی تفصیلات کچھ اس طرح ہے:
صدر: محتشم محمد جعفر صاحب (برنی)
نائب صدر اول: جناب قمری ابوبکر صاحب
نائب صدر دوم: جناب سید محی الدین مارکٹ صاحب
جنرل سکریٹری: جناب عسکری حمیداللہ صاحب
سکریٹری: جناب سعدا محمد میراں صاحب
نائب سکریٹری: مولوی انجم گنگائولی ندوی صاحب
سکریٹری مالیات: جناب جوباپو اسماعیل صاحب
خازن: جناب محتشم محمد ناصر صاحب
محاسب: جناب شاہ بندری اسماعیل چڈوباپا صاحب
انتخابات کوکامیابی کے ساتھ منعقد کروانے کے لئے جناب اسماعیل جوباپو صاحب کو الیکشن کمشنر منتخب کیا گیا تھا، جنہوں نے اپنی ذمہ داری کو بخوبی نبھایا۔
اسماعیل جوباپو نے بتایا کہ سرپرست اور ٹرسٹیان کو چھوڑ کر جماعت میں جملہ انتظامیہ ممبران کی تعداد 130 ہے، جس میں پرانی انتظامیہ میں سے دس ممبران کا انتخاب عمل میں آیا تھا اور تین ممبران کا انتخاب صدر کے اختیار میں ہوتا ہے۔ 130 میں مقامی ارکان انتظامیہ کی تعداد 65 ہے۔