مرکز نے سپریم کورٹ سے کہا، سی بی آئی ڈائریکٹر کا نام جمعہ تک بتا دیں گے
نئی دہلی، 17جنوری(ایس او نیوز/آئی این ایس انڈیا)سینئر وکیل پرشانت بھوشن اور این جی او کامن کاج کی طرف سے سی بی آئی کے عبوری ڈائریکٹر کے عہدے پر راکیش استھانہ کی تقرری کو چیلنج کرنے والی درخواست پر سماعت کے دوران مرکز نے کہا کہ تقرری کا عمل چل رہا ہے۔اٹارنی جنرل مکل روہتگی نے کورٹ کو بتایا کہ اس کے لئے ایک میٹنگ بھی ہوئی ہے۔انہوں نے سپریم کورٹ سے کہا کہ جمعہ تک ہم کورٹ کونام بتا دیں گے۔اس کے پہلے سماعت کے دوران مرکز نے کہا تھا کہ استھانہ کی تقرری میں کچھ بھی غلط نہیں ہے اوریہ سپریم کورٹ کی ہدایات کے مطابق ہوئی ہے۔مرکز نے یہ بھی کہا تھا کہ خصوصی ڈائریکٹر دتہ کا تبادلہ درست تھا۔مرکزنے کہاتھاکہ سی بی آئی کے مستقل چیف کے انتخاب کے لئے انتخابات کا عمل شروع کیا گیا ہے۔سپریم کورٹ نے مرکزسے پوچھاتھاکہ چارسینئر حکام میں سے کسی کو سی بی آئی کا چیف بنایا جاتا ہے لیکن استھانہ جونیئر ہیں پھر ان کی تقرری کیسے ہوئی۔