این ڈی اے ملک کے اداروں کو برباد کر رہا ہے،ترنمول ملک کو بچائے گی
کولکاتہ ،16؍ نومبر (ایس او نیوز؍آئی این ایس انڈیا) مغربی بنگال کی وزیر اعلی ممتا بنرجی نے مرکز کی بی جے پی قیادت این ڈی اے حکومت کی تنقید کرتے ہوئے الزام لگایا کہ وہ سی بی آئی اور بھارتی ریزرو بینک جیسے اہم ہندوستانی اداروں کو برباد کر رہی ہے۔۔ترنمول کانگریس کے سربراہ نے کہا کہ پارٹی ملک کو ایسی بربادی سے بچانے میں اہم کردار ادا کر سکتی ہے۔انہوں نے یہاں پارٹی کی ایک میٹنگ میں کہاکہ این ڈی اے حکومت اداروں کو برباد کر رہے ہیں۔وہ آر بی آئی اور سی بی آئی کے طریقہ کار تبدیل کرنے کی کوشش کر رہے ہیں۔جس پارٹی نے’مجسمے بنانے‘کو اپنا انتخابی ایجنڈ بنا لیا ہے، وہ آئندہ لوک سبھا انتخابات کے بعد خود ایک مورتی بن کر رہ جائے گی۔بنرجی نے کہا کہ بھگوا پارٹی قومی شہری رجسٹر (این آر سی) کو اپ ڈیٹ کرکے صرف تفرقہ پیدا کرنا چاہتی ہے۔ انہوں نے کہاکہ ترنمول کانگریس ایسی چیزوں کو برداشت نہیں کرے گی۔پارٹی ملک کو بی جے پی سے بچانے کے لئے آنے والے دنوں میں بڑا کردار نبھائے گی۔بنرجی نے یہ بھی کہا کہ وہ جنوری میں پارٹی کی ریلی میں تمام اپوزیشن رہنماؤں کو مدعو کریں گی اور بی جے پی کے خلاف جنگ کے لئے متحد کرے گی۔انہوں نے کہاکہ ریلی میں ہمارا نعرہہوگا ’بھاجپا ہٹاؤ، ملک بچاؤ‘ریاست میں اگلے ماہ ہونے والی بی جے پی کی ’رتھ یاترا‘ کا ذکر کرتے ہوئے بنرجی نے کہاکہ بھگوا پارٹی سیاسی یاترا منعقد کر رہی ہے۔ دوسری طرف ہمارے کارکن ’یکتا یاترا ‘کریں گے جس کا مقصد تمام کمیونٹی کو متحد کرنا ہے۔