عمران خان کو ہندوستان کی نصیحت،دہشت گردوں پر ’نئی کاروائی‘ کرے ’نیا پاکستان‘

Source: S.O. News Service | By Shahid Mukhtesar | Published on 9th March 2019, 11:51 PM | ملکی خبریں | عالمی خبریں |

نئی دہلی،09؍مارچ(ایس او نیوز؍آئی این ایس انڈیا) ہندوستان نے ایک بار پھر پاکستان پر جھوٹ بولنے کا الزام لگایا ہے۔وزارت خارجہ کے ترجمان رویش کمار نے آج کہا کہ پاکستان نے ہندوستان کے خلاف F۔16 کا استعمال کیا تھا، لیکن اب جھوٹ بول رہا ہے۔انہوں نے کہا کہ پاکستان اب بھی دہشت گردوں کے خلاف کوئی کارروائی نہیں کر رہا ہے۔بالاکوٹ پر ہم انتہائی پر اعتماد ہیں کہ ہم کامیاب ہو گئے ہیں، پاکستان نے صحافیوں کو وہاں جانے سے روکا ہے،وہ معاملے کو چھپانے کی کوشش کر رہے ہیں۔وزارت خارجہ نے کہا کہ اقوام متحدہ نے پلوامہ حملے میں دہشت گرد تنظیم جیش محمد کے شامل ہونے کی بات کہی تھی، لیکن پاکستان اس کو مسترد رہا ہے۔جیش محمد کو پاکستان کیوں بچا رہا ہے اور اس کے ترجمان کی طرح کیوں بیان دے رہا ہے،اگر پاکستان اپنے آپ کو’نئی سوچ والا ’نیا پاکستان‘ ہونے کا دعوی کرتا ہے تو اسے دہشت گردوں کے خلاف ’نئی کارروائی‘ کرنی چاہئے۔رویش کمار نے کہا کہ ہندوستان کاصرف ایک ہوائی جہاز گرا ہے،اگر پاکستان دعوی کرتا ہے کہ اس کے پاس دوسرے ہندوستانی طیارے کو مار گرانے کا ویڈیو ریکارڈنگ ہے تو انہوں نے ویڈیو بین الاقوامی میڈیا کے ساتھ شیئر کیوں نہیں کیا ہے؟ چشم دید گواہ اور ہمارے پاس موجود الیکٹرانک ثبوت ہیں کہ پاکستان نے F۔16 طیارے کا استعمال کیا تھا اور ونگ کمانڈر ابھینندن کے مگ 21 پر F۔16 ہی حملہ کیا گیا تھا،ہم نے امریکہ سے جانچ کرنے کے لئے کہا ہے۔وزارت خارجہ کی جانب سے جاری بیان میں کہا گیاکہ افسوسناک پہلو یہ ہے کہ پاکستان اب بھی جیش محمد کے پلوامہ حملے کی ذمہ داری لینے کے اپنے دعوے سے انکار کر رہا ہے۔پاکستان وزیر خارجہ نے کہا انہوں نے (جے ایم) نے حملے کی ذمہ داری نہیں لی ہے، کچھ الجھن ہے کیا پاکستان جے ا یم کا دفاع کر رہا ہے؟۔
 

ایک نظر اس پر بھی

این پی ایف منی پور میں بی جے پی زیر قیادت حکومت سے حمایت واپس لے گی: نیومئی

منی پور میں ناگا پیپلز فرنٹ (این پی ایف) نے ریاست میں بی جے پی زیر قیادت حکومت سے حمایت واپس لینے کا فیصلہ کیا ہے۔این پی ایف کی منی پور صوبہ یونٹ کے صدر اوانگبو نیومئی نے کہا کہ ان کی حمایت واپس لینے کے لئے مجبور ہونا پڑا کیونکہ بڑی پارٹیاں چھوٹی پارٹیوں کوکمترسمجھ رہی تھیں۔

لوک سبھا انتخابات2019:تنازعات میں پی ایم مودی کی کیدارناتھ یاترا، ٹی ایم سی نے ای سی سے کی شکایت، کہا، ضابطہ اخلاق کی خلاف ورزی

وزیر اعظم مودی کی کیدارناتھ یاترا پر تنازعہ ہو گیا ہے۔ترنمول کانگریس نے پی ایم مودی کے دورے کے لیے ضابطہ اخلاق کی خلاف ورزی قرار دیا ہے اور اس کی شکایت الیکشن کمیشن سے کی ہے۔وہیں مودی آج بدری ناتھ دھام کے دورے پر ہیں۔

لوک سبھا انتخابات 2019: غیر بھاجپائی حکومت بنانے کی کوششیں تیز، چندرا بابو نائیڈو نے کی راہل گاندھی اور شرد پوار سے بات چیت

آندھرا پردیش کے وزیر اعلی اور ٹی ڈی پی سربراہ این چندرابابو نائیڈو نے کانگریس صدر راہل گاندھی اور این سی پی سربراہ شرد پوار سمیت اپوزیشن کے کئی سرکردہ لیڈروں کے ساتھ اتوار کو دوسرے دور کی بات چیت کی۔

سری لنکا: مسلم مخالف فسادات میں ایک شخص ہلاک، مساجد کو نقصان

حکومتی وزیر رؤف حکیم کے مطابق مسلم مخالف فسادات میں ایک مسلمان ہلاک ہو گیا ہے جبکہ مسلمانوں کی املاک کو بھی نذر آتش کرنے کے واقعات سامنے آئے ہیں۔ رؤف حکیم کا تعلق مسلم کانگریس نامی سیاسی جماعت سے ہے۔ یہ سیاسی پارٹی حکومتی اتحاد میں شامل ہے۔ حکیم کے مطابق مشتعل افراد نے پیر تیرہ ...