بھٹکل تعلقہ مرڈیشور کے نوین بھٹ کی IAS امتحان میں شاندار کامیابی؛ 37 واں رینک
بھٹکل2؍جون (ایس او نیوز) مرڈیشور کے باشندے مؤظف سر شتا دار رگھو رام بھٹ اور سروجا بھٹ کے پوتے اور بنٹوال پی ڈبلیو ڈی کے اسسٹنٹ انجینئر امیش بھٹ کے فرزند نوین بھٹ نے IASامتحان میں شاندارکامیابی درج کرتے ہوئے ملک میں37واں رینک حاصل کرنے میں کامیاب ہوگیا ہے۔
نوین بھٹ کے بارے میں بتایا جاتا ہے کہ اس نے سی ای ٹی میں اول رینک حاصل کرتے ہوئے بنگلورو میڈیکل کالج سے ایم بی بی ایس کی ڈگری حاصل کی ہے۔ اب آئی اے ایس کے امتحان میں 37واں رینک حاصل کرنے کے ساتھ ہی اس نے ریاستی سطح پرتیسرا رینک بھی اپنے نام کرلیا ہے۔
بستی کائیکنی میں میڈیکل پریکٹس کرنے والے لائن کلب کے صدر ڈاکٹر وادی راج بھٹ رشتے میں نوین کے چچا بتائے جاتے ہیں۔
ان کی اس شاندار کامیابی پر بھٹکل کے مختلف اداروں کی طرف سے انہیں مبارکباد پیش کی گئی ہے۔