بھٹکل،3؍جون(ایس او نیوز) سائنس معلمہ محترمہ شاہین بدر کو نیشل ہائی اسکول ،مرڈیشور کی میر معلمہ منتخب کیا گیا ہے۔ مورخہ 2 جون بروز سنیچر کو اس تعلق سے اسکول میں مسلم ایجوکیشنل سوسائٹی مرڈیشور کے زیراہتمام ایک پروگرام میں اُنہیں یہ عہدہ تفویض کیا گیا اور میر معلمہ کی ذمہ داری سونپی گئی۔ اس موقع پر سوسائٹی کے سکریٹری جناب حاجی امین ظہور صاحب نے اُنہیں گلدستہ پیش کرتے ہوئے مبارکباد پیش کی اور اپنی نیک خواہشات کا اظہار کیا۔
اہم ذمہ داری سونپے جانے پر محترمہ شاہین بدر نے اپنے خیالات کا اظہار کرتے ہوئے سوسائٹی کا شکریہ ادا کیا اور کہا کہ مجھ پر آپ نے بڑی ذمہ داری سونپی ہے جس میں قوم کے نونہالوں کے مستقبل کو روشن بنانا اوراُسےسنوارنا ہوتا ہے، مزید کہا کہ اللہ کی مدد و نصرت اور اپنے ساتھی اساتذہ کے تعاون کے بغیریہ ذمہ داری بہت کٹھن امر ہے۔ انہوں نے اُمید ظاہر کی کہ انہیں تمام اساتذہ کا بھرپور تعائون ملے گا ۔
محترمہ شاہین بدر پچھلے 31 سالوں سے سائنس معلمہ کے طور پر اپنی خدمات انجام دے رہی ہیں ۔
واضح رہے کہ اس سے قبل محترمہ صادقہ مرزانی صاحبہ (انگریزی معلمہ) 4سالوں سے اس ذمہ داری کو سنبھال رہی تھی،جو 36 سال کےایک طویل عرصہ تک اسکول میں اپنی خدمات انجام دینے کے بعد سبکدوش ہو گئی تھی۔
پروگرام میں اسکول کے تمام اساتذہ اور دیگر اسٹاف موجود تھے، جنہوں نے محترمہ شاہین بدر کو ہیڈ مسٹریس منتخب کرنے پر خوشی کا اظہار کرتے ہوئے اُنہیں مبارکباد پیش کی اور اپنی جانب سے ہرممکن تعائون دینے کا یقین دلایا۔