کولکاتہ10فروری ( ایس او نیوز؍آئی این ایس انڈیا ) یوپی کے نائب وزیر اعلی کیشو پرساد موریہ نے کہا ہے کہ نریندر مودی ہی بی جے پی کے وزیر اعظم کے عہدے کے امیدوار ہوں گے؛کیوں کہ ان کی قیادت بے مثال ہے ۔

انہوں نے کہا کہ مودی ہی بی جے پی کے وزیر اعظم کے عہدے کے امیدوار ہوں گے، یہاں تک کہ اگر حکمران این ڈی اے لوک سبھا انتخابات میں اکثریت سے کچھ دور رہ جائے ۔ موریہ نے یہ بھی کہا کہ بی جے پی 2014 انتخابات کے مقابلے اس بار اپنا کارکردگی بہتر کرے گی او پارٹی 300 نشستوں کے اعداد و شمار کو پار کرے گی۔

انہوں نے دعوی کیا کہ این ڈی اے 400 سے زائد سیٹوں پر جیت حاصل کرے گی ۔ رام مندر مسئلے پر موریہ نے کہا کہ مرکزی سرکار مندر کی تعمیر میں آنے والی تمام رکاوٹوں پر کنٹرول حاصل کررہی ہے ۔ موریہ نے حال ہی میں مغربی بنگال کے دورے کے دوران کہا کہ 2014 میں ہم نے 282 سیٹوں پر کامیابی حاصل کی تھی لیکن 2019 میں بی جے پی اکیلے 300 کے اعداد و شمار کو پار کرے گی۔ ہمارے این ڈی اے کے ساتھیوں کو ملا ہم مودی کی قیادت میں 400 کے اعداد و شمار کو پار کریں گے۔ جب ان سے پوچھا گیا کہ کیا کانگریس جنرل سکریٹری اور مشرقی یوپی کے انچارج کے طور پر پرینکا گاندھی کی تقرری لوک سبھا انتخابات میں اہم موڑثابت ہوگی تو جواباً موریہ نے کہا کہ اس سے کوئی اثر نہیں پڑے گا اور اپوزیشن پارٹی ریاست میں اپنا کھاتہ بھی نہیں کھول پائے گی ۔