نئی دہلی:8/نومبر(ایس او نیوز/آئی این ایس انڈیا)وزیراعظم نریندر مودی وارانسی شہرکے لیے تین سیویج بنیادی ڈھانچے کے پروجیکٹوں کو ، جن پر 425.41 کروڑ روپے کی لاگت آئی ہے،قوم کے نام وقف کریں گے۔ وہ 12 نومبر 2018 کو ایک اور پروجیکٹ کے لئے سنگ بنیاد بھی رکھیں گے۔جن پروجیکٹوں کا وزیراعظم افتتاح کریں گے ان میں دینا پور میں گندے پانی کو صاف کرنے والا 104 ایم ایل ڈی کا پلانٹ (ایس ٹی پی ) شامل ہے جس پر 235.53 کروڑ روپے لاگت آئی ہے۔اس پروجیکٹ میں 10 سال تک چلانے اور رکھ رکھاؤ کا معاہدہ بھی شامل ہے۔دوسرے پروجیکٹ میں چوکا گھاٹ (140 ایم ایل ڈی)، پھلواریا(7.6 ایم ایل ڈی)، سرائیا(3.7ایم ایل ڈی) کے تین سیویج پمپنگ اسٹیشن شامل ہیں ان تینوں پمپنگ اسٹیشنوں پر 34.01 کروڑ روپے لاگت آئی ہے۔تیسراپروجیکٹ ، گندے پانی کے نکاسی کیلئے 28 کلو میٹر طویل سیور کی تعمیر، مینس کو اونچا کرنا اور ورونا اور اسّی کے ساتھ سیور انٹر سیپٹر کی تعمیر کا پروجیکٹ ہے جس پر 155.87 کروڑ روپئے کی لاگت آئے گی۔وزیراعظم نریندر مودی ،رام نگرکے لیے بھی 72.91 کروڑ روپے کی لاگت سے بننے والے سیویج بندوبست اسکیم کے لیے سنگ بنیاد رکھیں گے۔ اس میں 10 ایم ایل ڈی کا ایک ایس ٹی پی اور چار نالوں کے رخوں میں تبدیلی کرنا شامل ہے۔گندے پانی کی صفائی کے پروجیکٹوں سے ،جن کا افتتاح کیا جائے گا ،شہر میں گندے پانی کی صفائی کی صلاحیت 102 ایم ایل ڈی سے بڑھ کر242 ایم ایل ڈی ہو جائے گی۔ طویل مدت کے لئے او اینڈ ایم کے ضابطے کی وجہ سے اس بات کو یقینی بنایا جا سکے گا کہ ایچ ٹی پی کہ نہ صرف تعمیر کی جائے بلکہ اس کو صحیح ڈھنگ سے چلایا جائے اور دیکھ بھال کی جائے۔ ان پروجیکٹوں کے نتیجے میں 140 ایم ایل ڈی کے گندے پانی کی صفائی ہو گی جس کے بعد یہ پانی صاف ہو کر دریا میں پہنچ جائے گا۔ اس طرح دریائے گنگا میں آلودگی کم ہوگی۔ان پروجیکٹوں کے ساتھ ساتھ گوئیٹھامیں 120 ایم ایل ڈی اور رمانا میں 50 ایم ایل ڈی کے دو جاری ایس ٹی پی کی وجہ سے شہر میں گندے پانی کی صفائی کی صلاحیت 412 ایم ایل ڈی ہو جائے گی اور یہ صلاحیت گندے پانی کی صفائی کے لیے 2035 تک کی ضروریات کو پورا کر سکے گی۔رام نگر شہر میں فی الحال گندے پانی کو صاف کرنے کی کوئی سہولت موجود نہیں ہے۔ را م نگر کے پروجیکٹ میں ، جس کے لئے سنگ بنیاد رکھا جا رہا ہے، رام نگر شہر کے چاراہم نالوں کے پانی کو صاف کرے گا۔ گندے پانی کو مجوزہ 10 ایم ایل ڈی کے ایس ٹی پی میں صاف کیا جائے گا۔ اس سے رام نگر میں گندے نالوں سے دریائے گنگا میں ہونے والی آلودگی کو روکا جا سکے گا۔