نئی دہلی،06 ؍فروری (ایس او نیوز؍آئی این ایس انڈیا)کانگریس صدر راہل گاندھی نے اڑیسہ میں وزیراعظم نریندر مودی اور نوین پٹنائک پر جم کر حملہ بولا۔راہل گاندھی نے کہا کہ چوکیدار چور ہے اور نوین پٹنائک ریموٹ کنٹرول ہیں۔

انہوں نے کہا کہ کہ مودی نے رافیل دیا، ہم آپ کے اکاؤنٹ میں پیسہ دیں گے۔انہوں نے کہا کہ مودی جی نے کہا کہ ملک کے کسانوں کو وہ 17روپے دیں گے،ہم نے کہاہے ملک کے ہر غریب کو چاہے وہ کسی بھی ریاست میں ہو، کانگریس پارٹی کی ضمانت ہے کم از کم آمدنی ہندوستان کے ہر غریب کے بینک اکاؤنٹ میں ڈال کر دکھائے گی۔انہوں نے کہاہے کہ نوین پٹنائک جی اور بی جے پی آپ سے آپ کی زمین چھیننا چاہتے ہیں۔

انہوں نے کہا کہ ہر غریب کو جیسے ہم نے منریگا میں روزگار دیا ،ویسے ہی ہر غریب کے بینک اکاؤنٹ میں ’کم از کم انکم‘دے کردکھائیں گے،جھوٹ کا وقت ختم ہو گیا ہے۔کانگریس صدر نے کہا کہ ہم نے سب سے بڑا کام قبائلی بل بنایا،پیسے قانون کے ذریعے آپ کے پانی، جنگل، زمین کے ذریعے خوش حق دینے کا کام کیا۔کانگریس حکومتوں نے آپ کے علاقے کو ایک خصوصی جگہ بنا دی تھی،ہم اس بات کو قبول کرتے تھے اور کرتے ہیں کہ آپ کو خصوصی مدد کی ضرورت ہے۔

کانگریس صدر راہل گاندھی نے وزیر اعظم نریندر مودی اور اڑیسہ کے وزیر اعلی نوین پٹنائک پر قبائلیوں کی زمین چھیننے کا الزام بھی لگایا اور کہا کہ ان کی پارٹی قبائلی کمیونٹی کے حقوق کے تحفظ کے لئے کام کرے گی۔ریاست کے پسماندہ علاقوں میں شامل بھونیشور میں ایک ریلی سے خطاب کر رہے راہل گاندھی نے کہا کہ مرکز کی بی جے پی قیادت حکومت اور اڑیسہ میں بیجو جنتا دل حکومت دلتوں، قبائلیوں، کسانوں اور غریبوں کی فلاح و بہبود کے لئے کام کرنے میں ناکام رہی ہیں۔

انہوں نے کہاکہ کانگریس واحد پارٹی ہے جو دلتوں کی زمینوں کے تحفظ کے لئے مصروف عمل ہے،ہم اڑیسہ میں اور کہیں بھی قبائلیوں کے حقوق کی حفاظت کریں گے۔یہ 10دن کے اندر راہل گاندھی کا دوسرا اڑیسہ دورہ ہے جہاں اسمبلی اور لوک سبھا انتخابات کے ساتھ میں ہونے ہیں۔راہل گاندھی نے 25جنوری کو بھونیشور میں ایک ریلی سے خطاب کیا تھا۔بی جے پی اور بیجو جنتا دل پر زور دار حملہ بولتے ہوئے گاندھی نے کہا کہ دونوں پارٹیاں اپنے صنعتکار دوستوں کے فوائد کے لئے کام کر رہی ہیں، وہیں کسانوں اور غریبوں کو نظر انداز کر رہی ہیں۔انہوں نے الزام لگایا کہ مودی حکومت نے 15صنعت کاروں کا 3.5لاکھ کروڑ روپے کا قرض معاف کر دیا لیکن کسانوں کا قرض معاف نہیں کیا،کانگریس صدر نے الزام لگایا کہ بی جے پی قیادت مرکزی حکومت نے اپنے وعدے کے باوجود کسانوں کو ان کی مصنوعات کی مناسب قیمت نہیں دلائے۔نوین پٹنائک نے اڑیسہ میں کسانوں کے فوائد کے لئے کام نہیں کیا۔