مودی حکومت کھوکھلی اور جھوٹے وعدے کر رہی ہے،کسان اورنوجوان ٹھگے ہوئے محسوس کررہے ہیں:راہل گاندھی
بنگلورو12اگست(ایس او نیوز؍آئی این ایس انڈیا) کانگریس کے نائب صدر راہل گاندھی نے کسانوں اور بے روزگاری کے مسائل پر آج مودی حکومت پر حملہ کرتے ہوئے الزام لگایا کہ یہ کھوکھلی اور جھوٹے وعدے کی کر رہی ہے۔راہل گاندھی نے کہاکہ ہم بڑے وعدے نہیں کرتے، اس کے بجائے ہم کام کریں گے اور دکھائیں گے۔ جب مودی جی کی سرکار آئی تھی، تب کسانوں کومکمل مددکرنے کاوعدہ کیاگیاتھالیکن ملک بھرمیں کسان خودکشی کر رہے ہیں۔ انہوں نے کہا کہ کرناٹک اور پنجاب میں کانگریس کی حکومتیں کسانوں کے ساتھ کھڑی رہی ہیں۔کانگریس نائب صدر نے کہاکہ جہاں کہیں کانگریس پارٹی کی حکومت ہے، آپ انہیں کسانوں کے ساتھ کھڑے دیکھیں گے کیونکہ ہمیں یقین ہے کہ کسان بھارت کومضبوط بناتے ہیں۔ اگرکسان مضبوط ہوں گے تو بھارت مضبوط ہوگا، اگر وہ کمزور ہیں تو بھارت کمزورہوگا۔ انہوں نے یہاں ریاستی کانگریس کمیٹی کے مساوات شمولیت پروگرام میں یہ کہاکہ پسماندہ حیدرآباد ۔ کرناٹک علاقے کو یوپی اے حکومت کے دوران آئین کے آرٹیکل371 (جے) میں ترمیم کے ذریعے خصوصی درجہ مہیاکرنے میں ان کے کردار کو لے کر انہیں عزت کے لیے اس پروگرام کاانعقادکیاگیاتھا۔آرٹیکل 371 (جے) کے بارے میں بات کرتے ہوئے انہوں نے کہا کہ کانگریس نے لوگوں کے ساتھ اس کے لیے لڑے۔راہل گاندھی نے دعویٰ کیاکہ وزیرداخلہ کے طور پر بی جے پی کے سینئر لیڈر لال کرشن اڈوانی آرٹیکل 371 (جے) کے خلاف تھے۔ لیکن جب کانگریس2004 میں اقتدار میں آئی تب خصوصی درجہ دیا گیا جس سے لوگوں کو کافی فائدہ ہواہے۔مودی حکومت پر جھوٹے اور کھوکھلی وعدے کرنے کاانہوں نے الزام لگایا۔ انہوں نے کہاکہ کسان جانتے ہیں کہ صرف کانگریس ہی ان کی مدد کر سکتی ہے اور بھارت میں نوجوانوں کو سمجھنا ہوگا کہ نریندر مودی حکومت انہیں روزگار مہیا نہیں کر سکتی ہے۔اب یہ ثابت ہو گیا ہے کہ نوجوان اس بات کو محسوس کر رہے ہیں۔ نوٹ بندی پرحکومت کوآڑے ہاتھوں لیتے ہوئے راہل گاندھی نے کہاکہ گزشتہ سال آٹھ نومبر کو ایسا کیا ہوا کہ نریندر مودی کو ایک خیال سوجھا، وہ ٹی وی پر آئے اور کہا بھائیو، بہنو آپ کی جیب میں جو نوٹ ہے اس پرپابندی لگارہاہوں۔پورا بھارت، سرحدی کسان، مزدور اور خواتین متاثر ہوئیں۔کانگریسی لیڈرنے کہاکہ آٹھ نومبرکونریندرمودی نے پورے ہندوستان کوکلہاڑی ماری، لوگ آج بھی اس کا اثر جھیل رہے ہیں۔ راہل گاندھی نے اگلے سال کے تعارف میں کرناٹک میں ہونے والا اسمبلی انتخابات پارٹی کے لوگوں سے متحدہوکرلڑنے کی اپیل کیَ انہوں نے اس انتخاب میں فتح حاصل کرنے کا بھروسہ جتایاَََََ۔انہوں نے کہاکہ ہمیں غریبوں، کمزور طبقے، دلت، قبائلی، پسماندہ طبقے اورضرورت مند لوگوں کے لیے کام کرنا چاہئے۔ ہم نے گزشتہ پانچ سال میں جو کام کیا ہے، اگلے پانچ سال میں اس سے زیادہ کام کریں گے۔