نجیب گمشدگی معاملہ : سی بی آئی پر عدالت کی سخت پھٹکار؛ طلبہ اوراہل خانہ کا سی بی آئی ہیڈ کوارٹر کے باہر مظاہرہ
نئی دہلی9اگست(ایس او نیوز/آئی این ایس انڈیا) جے این یو کے گمشدہ طالب علم نجیب احمد کا اب تک کوئی سراغ نہیں لگا ہے۔منگل کو اس معاملے میں ہائیکورٹ نے سی بی آئی کو پھٹکار لگائی وہیں، بدھ کو اس نجیب کے گھر والوں نے سی بی آئی ہیڈ کوارٹر کے باہر نجیب کے گھر والوں اور اس جے این یوکے کچھ طلبہ نے مظاہرہ کیا۔بدھ کوسی بی آئی ہیڈ کوارٹر کا اہم راستہ گھنٹوں بند رہا، جے این یو کے غائب طالب علم نجیب احمدکے گھر والے اور اس کے دوست انصاف کی مانگ کو لے کر ہیڈ کوارٹر کے باہر ڈٹے رہے۔الزام ہے کہ سی بی آئی جانچ کے نام پر ہاتھ پر ہاتھ دھرے بیٹھی ہے۔نجیب کی ماں فاطمہ نفیس نے کہا کہ مودی جی میری بات تو سنتے نہیں امت شاہ سن لیں، میرے بیٹے کو سامنے لائیں، آخر میرے بیٹے کو سامنے لانے میں انہیں کیا ڈر ہے، اگر سی بی آئی میرے بیٹے کو نہیں تلاش پا رہی ہے توکون تلاش پائے گا۔منگل کو ہی اس معاملے میں دہلی ہائیکورٹ نے جانچ ایجنسی سی بی آئی کو پرانی اسٹیٹس رپورٹ سونپے جانے پر سخت پھٹکار لگاتے ہوئے کہا تھا کہ اس کیس کی انکوائری آپکو مذاق کے لیے نہیں دی گئی تھی۔نجیب احمدگزشتہ سال 15اکتوبر کو جے این یو سے طلبہ سے جھگڑے کے بعد غائب ہوگیاتھا۔پہلے اس معاملے کی جانچ دہلی پولیس کر رہی تھی لیکن اسی سال 25مئی کو ہائیکورٹ کے حکم پر معاملے کی جانچ سی بی آئی نے شروع کی۔