بی جے پی کے سیئنر لیڈر کوشیاری کا لوک سبھا الیکشن نہ لڑنے کا فیصلہ

Source: S.O. News Service | By Shahid Mukhtesar | Published on 15th March 2019, 12:07 AM | ملکی خبریں |

دہرادون، 14 مارچ(ایس او نیوز؍آئی این ایس انڈیا) بی جے پی کے سینئر لیڈر اور اتراکھنڈ کی نینی تال سیٹ سے ایم پی بھگت سنگھ کوشیاری نے جمعرات کو کہا کہ وہ آئندہ لوک سبھا انتخابات نہیں لڑیں گے۔کوشیاری نے کہا کہ میں نے اس بار الیکشن نہ لڑنے کا فیصلہ کیا ہے کیونکہ نئے لوگوں کو موقع ملنا چاہئے۔ سابق وزیر اعلی نے کہا کہ انہوں نے اپنے اس فیصلے سے ریاستی پارٹی کے سربراہ کو آگاہ کیا ہے اور اگر ان سے پوچھا جائے گا تو وہ پارٹی کی مرکزی قیادت کو بھی اس بارے میں بتا دیں گے۔یہ پوچھے جانے پر کہ الیکشن نہ لڑنے کے ان کے فیصلے سے کیا پارٹی کے امکانات خراب نہیں ہوں گی، بی جے پی لیڈرنے کہا کہ انہیں ایسا نہیں لگتا۔انہوں نے کہاکہ وزیر اعظم نریندر مودی کے حق میں لہر چل رہی ہے اور ملک کی عوام انہیں دوبارہ اقتدار پیش کرنا چاہتی ہے۔اس سیٹ پر بی جے پی کا متفقہ طور پر اتارا گیا کوئی بھی امیدوار جیت جائے گا۔اتراکھنڈ میں 11 اپریل کو پہلے مرحلے میں انتخابات ہونا ہے جس کے لئے 18 مارچ کو نوٹیفکیشن جاری ہو جائے گی اور کاغذات نامزدگی بھرنے کا کام شروع ہو جائے گا۔

ایک نظر اس پر بھی

گذشتہ دس سالوں سے جیل میں مقید مسلم نوجوان کو قانونی کی تعلیم جاری رکھنے کی اجازت، جمعیۃ علماء نے قانونی امداد کے ساتھ ساتھ تعلیمی وظیفہ بھی دیا، پہلے مرحلہ کا نتیجہ اطمنان بخش: گلزار اعظمی

ممبئی کی خصوصی مکوکا(این آئی اے) عدالت نے جھوٹے دہشت گردانہ معاملے کا سامنا کررہے ایک مسلم نوجوان کو قانون کی تعلیم جاری رکھنے اور اسے امتحان میں شرکت کرنے کی مشروط اجازت دی۔13-7 ممبئی سلسلہ وار بم دھماکہ معاملے کا سامنا کررہے ملزم ندیم اختر کو ایل ایل بی پہلے سال کے دوسرے مرحلہ ...

مرکز نے سپریم کورٹ سے کہا، رافیل معاہدہ میں پی ایم اوکادخل نہیں، تمام عرضیاں ہوں مسترد

لوک سبھا انتخابات میں اپوزیشن نے رافیل لڑاکا طیارے معاہدے میں بے ضابطگیوں کا الزام لگاتے ہوئے اسے سب سے بڑا مسئلہ بنایا۔کانگریس صدر راہل گاندھی نے اس معاہدے کے لئے براہ راست طور پر وزیر اعظم نریندر مودی کو ذمہ دار بتایا۔

جب تک کجریوال ہیں، دہلی کو مکمل ریاست کا درجہ دینے کی نہیں سوچ سکتے:ہرش وردھن

دہلی کی چاندنی چوک سیٹ سے تقریباََ228000 ووٹوں سے جیت کر دوبارہ ایم پی بنے مرکزی وزیر ڈاکٹر ہرش وردھن نے بات کی۔دہلی کو مکمل ریاست کا درجہ دینے کے معاملے پر انہوں نے کہا کہ جب تک اروند کجریوال وزیر اعلی ہیں، اس وقت تک اس کے بارے میں سوچا بھی نہیں جا سکتا۔