سابقئ وزیر کرناٹک نفیسہ فضل کانگریس سے مستعفی،بی جے پی میں شمولیت کا امکان
بنگلور:29/مارچ(ایس او نیوز/آئی این ایس انڈیا) اطلاعات کے بموجب سابق وزیرکرناٹک نفیسہ فضل نے کانگریس سے استعفیٰ دے دیاہے۔ وہ سابق میں ایس ایم کرشناکی وزارت میں شال تھیں۔ 70سالہ نفیسہ فضل نے کانگریس کی ابتدائی رکنیت سے بھی استعفیٰ دے دیا ہے۔ واضح رہے حال ہی میں مسٹر ایس ایم کرشنا نے بھی کانگریس سے مستعفی ہوکر بی جے پی میں شمولیت اختیار کرلی ہے۔ آل انڈیا کانگریس پارٹی کی صدرمحترمہ سونیاگاندھی کو روانہ کردؤہ مکتوب میں نفیسہ فضل نے کہا ہے کہ ریاست کے مسلم قائیدین انھیں ہمیشہ مشتعل کرتے رہے ہیں اورچونکہ چیف منسٹر کانگریس پارٹی کے لئے نئے ہیں لہٰذا نھوں نے ان لیڈروں کو کھلی چھوٹ دے رکھی تھی۔انھوں نے کہاہے کہ کانگریس ہائی کمان کو ان سے ملنے اور ان کی بات سننے کے لئے بھی وقت نہیں ہے۔واضح رہے کہ صرف دوتین قبل ہی سابق چیف منسٹر ایس ایم کرشنا ,نے کانگریس سے مستعفی ہونے کے بعد بی جے پی میں شمولیت اختیار کرلی تھی۔ اب ان کی وزارت میں شامل سابق وزیر کرناٹک نفیسہ فضل نے بھی کانگریس سے استعفیٰ دے دیا ہے۔ ایس ایم کرشنا وزارت میں جب وہ کرناٹک کی وزیر تھیں تو وہ کانگریس کا ایک باثر چہرہ تھیں۔ ان کیپاس کئی ایک اہم وزارتی قلم دان تھے۔ اب سمجھا جارہا ہے کہ وہ بھی بہت جلد ایس ایم کرشنا کی طرح بی جے پی میں شمولیت اختیار کرلیں گی۔ بی جے پی کی ریاستی قیادت سمجھتی ہے کہ نفیسہ فضل ریاست کی اقلیتوں کو اعتماد میں لینے کے لئے کارآمد ثابت ہوسکیں گی۔ خصوصیت کے ساتھ2018کے اسمبلی انتخابات میں وہ بنگلور کے حلقوں میں بی جے پی کے بہت کام آسکیں گی۔2008میں بی جے پی نے کرناٹک میں ممتاز علی خان کو اپنا اقلیتی لیڈر بنایا تھا۔ لیکن ان کے استعفی کے بعد اب بی جے پی اور کوئی متبادل مسلم لیڈر نہیں تھا۔ نفیسہ فضل کی سینیئاریٹی اور اقلیتوں میں ان کے اثر و رسوخ کو دیکھتے ہوئے بی جے پی انھیں عنقریب بی جے پی میں شامل کرسکتی ہے۔