دفع شر کی خاطر بی جے پی لیڈر پرتاپ سمہا احتیاطاً حراست میں 

Source: S.O. News Service | By Shahid Mukhtesar | Published on 3rd December 2017, 9:01 PM | ریاستی خبریں |

میسور3 دسمبر ( ایس او نیوز؍آئی این ایس انڈیا) بی جے پی کے ایم پی پرتاپ سمہا اور کچھ دیگرافراد کو ہنومان جینتی سے قبل میسور کے پاس ہون سور میں آج احتیاطاً حراست میں لے لیا گیا۔ پولیس نے کل عید میلادا لنبی اور آج جلوس کے پیش نظر ہون سورمیں سیکورٹی کے وسیع انتظام کئے گئے تھے۔ ڈسٹرکٹ حکام نے منتظمین کو خاص راستہ کے ذریعے جلوس میں شامل ہونے کی اجازت دی ہے۔حکام نے کہا کہ اگرچہ منتظمین نے راستے میں کچھ تبدیلی کا مطالبہ کیا ہے اور پولیس اپیل کے باوجود انہوں نے اس کے ساتھ آگے بڑھنے کی منصوبہ بندی کی ہے ؛ لہٰذا متوقع شر انگیزی کے مد نظر احتیاطاً سمہا اور دیگر افراد کو حراست میں لیا گیا ہے۔لوک سبھا ایم پی سمہا نے ریاست میں کانگریس کی حکومت پر تنقید کرتے ہوئے مقامی صحافیوں کو بتایا کہ انتظامیہ اور پولیس کی درخواست کے باوجود کسی خاص جگہ سے جلوس کو اجازت نہیں دی جا رہی ہے ، واضح ہو کہ آر ایس ایس اور اس کی ذیلی تنظیمیں اس جلوس کے تحت عام لوگوں کے مذہبی جذبات کو بھڑکانے کا کار شر انجام دیتے ہیں ۔بنا بریں پولیس نے انہیں حراست میں لے لیا ہے ۔ سمہا کی حراست کے مدنظر ان کے حامیوں اور آر ایس ایس کے کارکنان نے مظاہر ہ کیا ہے ، جس کی وجہ سے علاقہ میں کشیدگی صاف دیکھی جا رہی ہے ۔تاہم. پولیس نے انتباہ جاری کرتے ہوئے کہا ہے کہ کسی بھی حالت میں صورتحال بگڑنے نہیں دیا جائے گا اگر کسی نے بھی انتظامیہ کے حکم کی خلاف ورزی کی تو اس کے ساتھ تادیبی امور کے تحت نمٹا جائے گا۔

ایک نظر اس پر بھی

کانگریس چھتیس گڑھ میں طویل عرصے کے بعد اقتدار میں لوٹے گی: ویرپا موئلی 

سینئر کانگریس لیڈر ویرپا موئلی کہا کہ چھتیس گڑھ میں 15 سال بعد ان کی پارٹی اقتدار مخالف لہر پر سوار ہوکر اقتدار میں لوٹے گی۔ انہوں نے یہ بھی دعوی کیا کہ کانگریس ریاست کے نکسل متاثرہ علاقوں میں 18 سیٹوں میں اپنی سیٹیں12 سے بڑھا کر 15 کرے گی۔سابق مرکزی وزیر نے یہاں کہاکہ چھتیس گڑھ میں ...

گوا میں بیرونی مچھلیوں کی درآمد پر لگی پابندی سے کاروار، ملپے میں مچھلیاں سستی تو منگلورو میں ہوگئیں مہنگی !

جب سے گوا کی حکومت نے فارمولین کے مسئلے پر بیرونی ریاستوں سے مچھلیوں کی درآمد پر پابندی رکھی ہے اور کچھ قانونی شرائط لاگو کی ہیں، تب سے ساحلی کرناٹکا کے شہروں میں اس کا کچھ ملا جلا اثر دکھائی دے رہا ہے۔

بیلگاوی میں احتجاج کے دوران کسان سورنا سودھا میں گھس گئے، وزیر اعلیٰ کی مداخلت کے بعد گرفتار شدہ افراد کی رہائی ، 20؍نومبر کو بنگلورو میں میٹنگ

شمالی کرناٹک کے بیلگاوی ضلع میں  گناہ اگانے والے کسانوں نے احتجاج کیا اور سوورنا سودھا کے احاطہ میں گنا سے لدی لاریوں کو زبردستی گھسا کر حکومت کے خلاف نعرے لگائے ۔ پولیس نے کارروائی کرتے ہوئے 10؍ کسان لیڈروں کو گرفتار کر لیا ہے اور ان کےخلاف ایف آئی آر درج کردیا ۔

سنجے دت کے ہاتھوں19نومبرکواڈاپٹ فٹنس کا افتتاح، بنگلورو کا بین الاقوامی معیار پر مشتمل سب سے بڑا فٹنس سنٹر عوام کے لئے دستیاب

شہر کے فریزر ٹاؤن میں صحت اور فٹنس کو عام کرنے کے لئے عالمی معیار کی سہولتوں سے لیس ہندوستان کی سب سے بڑی اور خوبصورت جم اڈاپٹ فٹنس کا افتتاح 19نومبر کی شام منعقد کیا گیا ہے۔