میانمار: روہنگیا مسلمانوں کے قتل عام کی جانچ کرنیوالے 2صحافیوں کو 7برس قید

Source: S.O. News Service | By Shahid Mukhtesar | Published on 4th September 2018, 11:06 AM | عالمی خبریں |

ینگون، 4؍ستمبر (ایس او نیوز؍ایجنسی)میانمار کی ایک عدالت نے خبررساں ادارے رائٹرز کے دو صحافیوں کو ملکی رازوں سے متعلق قانون کی خلاف ورزی کے جرم میں 7 سال قید کی سزا سنائی ہے۔ ان پر یہ الزام عائد کیا گیا کہ انہوں نے روہنگیا مسلمانوں کے خلاف تشدد کی جانچ کے دوران ملکی راز کے قانون کی خلاف ورزی کی ہے۔

صحافی وا لون اور کیاو او کو سرکاری دستاویزات کے ساتھ گرفتار کیا گیا جو انہیں کچھ دیر قبل پولیس افسروں نے دی تھیں۔ ان کا کہنا ہے کہ وہ بے گناہ ہیں اور یہ کہ پولیس نے انہیں جال میں پھنسایا ہے۔ یہ دونوں صحافی گزشتہ سال دسمبر میں گرفتاری کے بعد سے قید میں ہیں۔ یہ دونوں شادی شدہ ہیں اور ان کے چھوٹے چھوٹے بچے ہیں۔

رائٹرز کے مدیر اعلی سٹیفن ایڈلر نے کہاآج کا دن میانمار، رائٹرز کے صحافیوں وا لون اور کیاو سیو او اور دنیا بھر میں پریس کی آزادی کے لیے غمناک دن ہے۔ 32 سالہ وا لون اور 28 سالہ کیاو سیو او شمالی رخائن کے گاؤں اندن میں فوج کے ہاتھوں 10 افراد کے قتل کے متعلق شواہد اکٹھا کر رہے تھے۔

رائٹرز کے مطابق میانمار میں برطانیہ کے سفیر ڈین چگ نے کہاہم اس فیصلے سے بہت مایوس ہوئے ہیں دونوں کو رہا کیا جائے۔ امریکی سفیر سکوٹ میرسیل نے بھی یہی تنقید کی اور کہا کہ عدالت کا فیصلہ ان سبھی کے لیے بہت زیادہ پریشان کن ہے جنہوں نے میڈیا کی آزادی کے لیے جدوجہد کی ہے۔میانمار میں اقوام متحدہ کے ریزیڈنٹ اور انسانی اقدار کے کوارڈینیٹر نٹ اوسٹبی نے کہا کہ صحافیوں کو ان کے اہل خانہ کے پاس واپس آنے دینا چاہیے۔

ایک نظر اس پر بھی

سلسلہ وار بم دھماکوں کے بعد سری لنکا میں بھی لگ سکتی ہے برقع پر پابندی!

سری لنکا میں ایسٹر حملوں کے بعد اب وہاں کی حکومت برقع پر پابندی عائد کرنے کا منصوبہ بنا رہی ہے۔ حملوں کے بعد سے سری لنکا کے مسلمان خوف ودہشت کے سائے میں اپنی زندگی گزار رہے ہیں اور اب یہ خبر سامنے آئی ہے کہ وہاں برقع پر پابندی لگ سکتی ہے۔ اتوار یعنی 21 اپریل کو یہاں ہوئے سلسلہ ...

سری لنکا بم دھماکوں سے دہل گیا ؛ تین ہندوستانیوں کے بشمول 215 افراد ہلاک، 400 سے زائد زخمی

سری لنکا میں عیسائیوں کے بڑے تہوار ایسٹر کے موقع پر  ہوئے آٹھ بم دھماکوں میں 215 لوگ ہلاک ہوگئے ہیں جبکہ چار سو سےزائد افراد زخمی ہوئے ہیں۔ میڈیا  رپورٹوں کے مطابق  عین تہوار کے موقع پر  تین  گرجا گھروں اور 3 ہوٹلوں میں دھماکے کئے گئے ہیں   جس کے بعد   ملک بھر میں کرفیو نافذ ...

ایس بی آئی برطانیہ میں قانونی جنگ میں ٹیکس دہندگان کا پیسہ برباد کر رہا ہے : مالیا 

مسائل میں گھرے شراب کاروباری وجے مالیا نے ایک بار پھر سے قرض لوٹانے کی پیشکش اپنی بات دہرانے کے لئے سوشل میڈیا کا سہارا لیا ہے۔ انہوں نے SBI پر بھارتی ٹیکس دہندگان کا پیسہ برطانیہ میں مقدمے پر برباد کرنے کا الزام لگایا۔ برطانیہ کے ہائی کورٹ نے 63 سالہ مالیا کے لندن کے بینک اکاؤنٹ ...

تھائی لینڈ میں نوجوان جرمن خاتون سیاح کا ریپ کے بعد قتل

تھائی لینڈ میں جرمنی سے تعلق رکھنے والی ایک نوجوان خاتون سیاح کو ریپ کے بعد قتل کر دیا گیا۔ تھائی پولیس نے ایک مبینہ ملزم کو گرفتار کر لیا ہے، جس نے اس چھبیس سالہ سیاح کو ریپ کے بعد قتل کرنے کا اعتراف بھی کر لیا ہے۔تھائی لینڈ کے دارالحکومت بنکاک سے پیر آٹھ اپریل کو ملنے والی جرمن ...

جنگ مسلط کردہ یمن میں ہیضہ کی وبا، ویکسین رسائی کی منتظر

جنگ زدہ ملک یمن میں ہیضے کی ہلاکت خیز وبا کئی ملین افراد کو متاثر کر چکی ہے لیکن اقوام متحدہ کے اہلکاروں کو اب تک ادویات پہنچانے کی اجازت نہیں مل پائی۔یمن میں لاکھوں افراد ہیضے کے مرض میں مبتلا ہیں اور اب بھی ہر روز ہزاروں نئے کیسز سامنے آ رہے ہیں۔ سن 2017 کے موسم گرما میں اقوام ...