میانمار25؍نومبر (ایس او نیوز؍آئی این ایس انڈیا)میانمار اور بنگلہ دیش روہنگیا مہاجرین کی واپسی کے سلسلے میں اقوام متحدہ کے ادارہ برائے مہاجرین UNHCRکی معاونت قبول کرنے پر رضامند ہو گئے ہیں۔ بنگلہ دیشی وزیرخارجہ عبدالحسن محمود علی کی جانب سے ہفتے کے روز کہا گیا ہے کہ دونوں ممالک کی حکومتوں نے اس سلسلے میں مہاجرین کی واپسی کا عمل دو ماہ میں شروع کرنے پر اتفاق کیا ہے۔ اس طرح مہاجرین کی واپسی کے معاملے میں اقوام متحدہ کے ادارہ برائے مہاجرین کے کسی ممکنہ کردار سے متعلق بے یقینی ختم ہو گئی ہے۔ میانمار کی راکھین ریاست میں اگست کی 25 تاریخ سے شروع ہونے والے عسکری آپریشن کے نتیجے میں چھ لاکھ سے زائد روہنگیا سرحد عبور کر کے بنگلہ دیش ہجرت پر مجبور ہو گئے تھے۔