مسلم نوجوان کے قاتل کی ضمانت عرضداشت ممبئی ہائی کورٹ نے رد کی،جمعیۃ علماء کی بر وقت مداخلت سے ہندو شدت پسندوں کو شدید جھٹکا

Source: S.O. News Service | By Shahid Mukhtesar | Published on 7th September 2018, 9:46 PM | ملکی خبریں |

ممبئی 7؍ستمبر (ایس او نیوز؍پریس ریلیز) گنجان مسلم آبادی والے شہر مالیگاؤں کے قریب واقع نامپور نامی دیہات میں رہائش ایک مسلم شخص کو بے دردی سے قتل کرنے والے ہندو شدت پسندکی ضمانت عرضداشت ممبئی ہائی کورٹ نے آج مسترد کری۔ مہلوک کے بھائی کی جانب سے جمعیۃ علماء مہاراشٹر (ارشد مدنی) نے ممبئی ہائی کورٹ میں مداخلت کرتے ہوئے ضمانت عرضداشت کی سخت لفظوں میں مخالفت کی ۔

آج دوران بحث جمعیۃ علماء کی جانب سے ایڈوکیٹ متین شیخ نے جسٹس انوجا پربھو دیسائی کو بتایا کہ درخواست کنندہ دونوں ملزم نے ایک دوسرے ملزم کی مدد سے نامپور شہر میں رہائش پذیر وارث شیخ کو 24؍ جنوری 2018ء کو قتل کردیا تھا جس کے بعد علاقے میں تناؤ بڑھ گیا تھا اور ہندو مسلم فساد ہونے کی نوبت آگئی تھی۔

ایڈوکیٹ متین شیخ نے عدالت کو مزید بتایا کہ اگر ملزم کو ضمانت پررہا کیا گیا تو علاقے میں ماحول خراب ہوسکتا ہے نیز وہ اس کے خلاف موجود ثبوت وشواہد مٹانے کی کوشش کریگا۔

ایڈوکیٹ متین شیخ نے عدالت کی توجہ اپنے بیانات سے انحراف کرنے والے گواہوں کے دستاویزات کی جانب مبذول کراتے ہوئے کہا کہ ملزم کے ڈر و خوف سے گواہوں نے اپنے بیانات سے انحراف کرنا شروع کردیا ہے لہذا ان سب باتوں کے مد نظر ملزم کی ضمانت عرضداشت مسترد کی جانی چاہئے۔

ملزم کشن دیو راؤ کاپڑنیس کو ضمانت پر رہا کیئے جانے کی درخواست کرتے ہوئے ان کے وکیل نے عدالت سے کہا کہ اب جبکہ ملزم کے خلاف فرد جرم عائد کیا جاچکا ہے اسے مشروط ضمانت پر رہا کردینا چاہئے۔فریقین کے دلائل کی سماعت کے بعد جسٹس انوجا پربھودیسائی نے ملزم کی درخواست ضمانت مستر کردی۔

واضح رہے کہ ملزم کی ضمانت عرضداشت مالیگاؤں سیشن عدالت نے جمعیۃ علماء (مالیگاؤں) کی جانب سے مقرر کردہ وکیل نیاز احمد لودھی کی مدلل بحث کے بعد مسترد کردی تھی جس کے بعد ملزمین نے ممبئی ہائی کورٹ سے رجوع کیا تھا، ملزمین کی جانب سے ممبئی ہائی کورٹ میں ضمانت درخواست داخل کیئے جانے کی خبر موصول ہونے کے بعد مہلوک کے اہل خانہ نے مالیگاؤں جمعیۃ علماء کے ذمہ داران عبدالمالک بکرا اور حاجی مکی کے ذریعہ جمعیۃ علماء مہاراشٹر قانونی امداد کمیٹی کے سربراہ گلزار اعظمی سے رابطہ قائم کرکے قانونی امداد طلب کی تھی۔

مہلوک کے اہل خانہ کی درخواست کو قبول کرتے ہوئے گلزار اعظمی نے ایڈوکیٹ متین شیخ، ایڈوکیٹ شاہد ندیم اور ایڈوکیٹ ساجد قریشی کو ممبئی ہائی کورٹ میں مداخلت کار کی عرضداشت داخل کرکے ضمانت عرضداشت کی مخالفت کرنے کی درخواست کی تھی۔

ایک نظر اس پر بھی

پٹرول ڈیزل کی قیمتوں میں اضافہ بدستور جاری

پٹرول ڈیزل کی قیمتوں میں آج ایک بار پھر اضافہ ہوا ہے۔پٹرول 17 پیسے اور ڈیزل 10 پیسے مہنگا ہوا ہے۔اضافے کے بعد راجدھانی دہلی میں ایک لیٹر پیٹرول کی قیمت 82.61 روپے فی لیٹر ہو گئی ہے۔وہیں ڈیزل 73.97 روپے فی لیٹر ہو گئی۔ راجدھانی دہلی میں کل پٹرول 82.44 روپے فی لیٹر اور ڈیزل 73.87 روپے فی لیٹر ...

رافیل کو لے کر فرانس کے سابق صدر اولند کے تبصرے پر بولے ارون جیٹلی؛ وہ اپنی ہی بات کاٹ رہے ہیں

رافیل سودے میں ریلائنس کے لئے لابنگ کرنے کے الزام میں گھری مودی حکومت کے دفاع میں وزیر خزانہ ارون جیٹلی نے فیس بک پر پوسٹ لکھا ہے۔جیٹلی نے فرانس کے سابق صدر فرانسوا اولند کے اس بیان پرسوال اٹھائے ہیں کہ جس میں انہوں نے کہا ہے کہ حکومت ہند نے ہی ریلائنس کا نام تجویز کیا تھا اور اس ...

اکتوبر 2 سے لوک سبھا الیکشن لڑنے کے لئے کانگریس گھر گھر جا کر مانگے گی چندہ

لوک سبھا انتخابات کی تیاریوں میں مصروف کانگریس آئندہ دو اکتوبر سے ’ڈور ٹو ڈور ‘رابطہ مہم شروع کرنے جا رہی ہے جس میں وہ لوگوں سے ووٹ کے ساتھ ساتھ انتخابی چندہ بھی مانگے گی۔پارٹی نے دو اکتوبر سے 19 نومبر تک چلنے والے اس مہم کو ’عوامی رابطہ مہم‘ کا نام دیا ہے۔کانگریس صدر راہل ...

ہریانہ گینگ ریپ کیس: مفروراہم ملزم فوج کے جوان پنکج اور منیش کو پولیس نے کیا گرفتار

ہریانہ گینگ ریپ معاملے میں تقریباً واقعہ کے 10 دن بعد ریاست کی پولیس نے اس معاملے میں مفروردو ملزمان کو اتوار کو گرفتار کر لیا۔پولیس ڈائریکٹر جنرل (ڈی جی پی)بی ایس سندھونے کہا کہ منیش اور بری فوج کے جوان پنکج کی گرفتاری کے ساتھ ہی اس کیس میں شامل تمام اہم ملزمان کو گرفتار کیا جا ...

سعودی عربیہ کاقومی دن:دہلی میں شاندا ر تقریبات کا اہتمام

سعودی عربیہ کے قومی دن کے موقع پر سعودی سفیر ڈاکٹر سعود محمد الساطی نے کل یہاں ایک پروقار اور شاندا ر تقریب کا اہتمام کیا جس میں انفارمیشن و ٹکنالوجی اور کلچر و سیاحت کے مرکزی وزیر مملکت الفونس جوسف کنن تھنم مہمان خصوصی کے طورپرشریک ہوئے۔