مسلم طالبات کو برقع پہننے سے روکنے کی کوشش،فرقہ پرست تنظیموں کے خلاف کارروائی کرنے روشن بیگ کی ہدایت

Source: S.O. News Service | By Shahid Mukhtesar | Published on 25th October 2016, 11:18 AM | ریاستی خبریں |

بنگلورو،24؍اکتوبر(ایس او نیوز) شمالی کرناٹک بالخصوص ہاویری ضلع کے بعض کالجوں میں مسلم طالبات کو برقع اور حجاب پہن کر کالجوں میں آنے سے روکے جانے اور اس سلسلے میں ہندو فرقہ پرست تنظیموں کی طرف سے ماحول کو مکدر کرنے کی مبینہ کوششوں سے سختی سے نمٹاجائے گا۔اس سلسلے میں ریاستی وزیر برائے شہری ترقیات وحج جناب روشن بیگ نے ریاستی وزیر برائے اعلیٰ تعلیمات بسوراج رایا ریڈی اور اس ضلع کے انچارج وزیر آر وی دیش پانڈے سے بات چیت کی ہے۔ جناب روشن بیگ نے بتایاکہ ہاویری اور آس پاس کے کالجوں میں مسلم طالبات کو برقع اتار کر کالجوں میں جانے کیلئے مجبور کئے جانے اور ان لڑکیوں کے حجاب کے استعمال پر غیر ضروری احتجاج کرنے کی جو حرکت فرقہ پرست تنظیمیں کررہی ہیں ،اس کے خلاف انہوں نے وزیر اعلیٰ تعلیمات سے شکایت کی ہے اور ان سے گذارش کی ہے کہ کالجوں کے انتظامیہ اور متعلقہ یونیورسٹیوں کے وائس چانسلروں کو سخت ہدایت جاری کی جائے کہ تعلیمی اداروں میں اس طرح کی سیاست اور فرقہ پرستی برداشت نہ کی جائے۔ مسلم طالبات کو حجاب یا برقع پہن کر کالج آنے سے ہر گز روکا نہیں جاسکتا۔ اگر انہیں روکنے کی کوشش کی گئی تو ان حرکات میں ملوث عناصر کے خلاف سخت قانونی چارہ جوئی کی جائے۔جناب روشن بیگ نے بتایاکہ مسٹر بسوراج رایا ریڈی نے ان کی اس شکایت پر مثبت ردعمل ظاہر کرتے ہوئے متعلقہ ضلع کے ڈپٹی کمشنر اور محکمۂ اعلیٰ تعلیمات کے افسران کو اس ضمن میں ہدایت جاری کرنے کا تیقن دیاہے۔ ساتھ ہی شمالی کینرا ضلع کے انچارج وزیر آر وی دیش پانڈے نے بھی اس ضمن میں مقامی حکام سے رابطہ کرکے مناسب ہدایت جاری کرنے کا وعدہ کیاہے۔ جناب روشن بیگ نے بتایاکہ خود انہوں نے بھی اس ضمن میں ضلع کے ایس پی اور ڈپٹی کمشنر سے بات چیت کی ہے اور یہ ہدایت دی ہے کہ تعلیمی اداروں میں اس طرح کی حرکتوں کو دوبارہ سرزد ہونے نہ دیا جائے اور طلبا کو اپنی توجہ تعلیم پر مبذول کرنے کی تاکید کی جائے۔ دوبارہ اگر مسلم طالبات کو برقع پہن کر کالج آنے سے روکا گیا تو اس کیلئے ذمہ دار عناصر کے خلاف قانونی کارروائی کی جائے۔ اگر قانونی کارروائی میں کسی طرح کی غفلت برتی گئی تو اس کیلئے ذمہ دار افسران کو جوابدہ بنایا جائے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔