کاروار:15/ اکتوبر (ایس اؤنیوز)ہبلی میں2 پلسر بائک کو چوری کرکے مرڈیشور کے اترکوپاکے جنگل میں چھپا کررکھے ہوئے ملزم کو مرڈیشور پولس نے گرفتارکیا۔

ملزم کی شناخت پرانی ہبلی کے مکین خواجہ حضرت صاحب ہاویری (19) بتائی گئی ہے۔ گذشتہ مارچ کے مہینے میں مرڈیشور میں کھڑی ہوئی ایک اومنی ماروتی کار کا دروازہ توڑ کر 4ہزار نقد اور 2موبائیل چوری ہونےکے تعلق سے مرڈیشور پولس تھانےمیں شکایت درج ہوئی تھی، معاملے کی تفتیش کرتےہوئےپولس ملزم کی تلاش میں تھی ۔

سنیچر کو مرڈیشور پارکنگ میں معمول کے مطابق سواریوں کی دستاویزات کی جانچ چل رہی تھی عین اسی خواجہ حضرت وہاں اپنی سواری کے ساتھ پہنچا ،جانچ کے دوران پریشانی کے عالم میں اپنا نام اور سواری کے دستاویزات موجود نہیں ہونے کی بات کہتے ہوئے زبان لڑکھڑانےلگی تو پولس شبہ سےفائدہ اٹھاتے ہوئے خواجہ کو پولس تھانہ لاکر ڈھنگ سےپوچھ تاچھ کی تو منہ زبان سب کھل گئی اور اومنی کار سے چوری کئے جانے کو قبول کرنےکے علاوہ مزید جانکاری دیتے ہوئے کہاکہ وہ اس وقت جس بائک پر آیا ہے اس کو ہانگل میں چوری کیا تھا، اور ہبلی میں چوری کی گئیں دو سواریاں ، ایک لیاپ ٹیاپ مرڈیشور کے اترکوپا جنگل میں چھپارکھنےکی بات کہی۔ پولس جنگل میں جائے وقوع پہنچ کر دونوں بائک ، لیاپ ٹیاپ کو اپنی تحویل میں لیا۔ جولائی کے مہینےمیں ہبلی سے چوری کی گئی 220سی سی کی 2پلسر بائک میں سے ایک بائک رجسٹر ڈ تک نہیں ہوئی ہے۔ کارروائی میں پی ایس آئی بھیم سنگھ لمانی ، کرائم برانچ کے سنگپا آر ایچ، لکشمن پجاری سمیت محکمہ کا عملہ شریک تھا۔