مرڈیشور میں نوائط فاؤنڈیشن بنگلورو کے زیراہتمام یکم اکتوبر کو مفت طبی کیمپ کا انعقاد : عوام سے استفادہ کی اپیل
بھٹکل:20/ستمبر (ایس اؤنیوز)مرڈیشور نوائط فاؤنڈیشن بنگلورو کے زیرا ہتمام کمیونٹی کے مختلف مقامات پر قائم جماعتوں کے تعاون سے یکم اکتوبر کو نیشنل ہائی اسکول مرڈیشور میں صبح 10بجے سے شام 6 بجے تک فری میڈیکل کیمپ منعقد کئے جانے کی محفل کی طرف سے جاری کردہ پریس ریلز میں جانکاری دی گئی ہے۔
پریس ریلیز کے مطابق اس کیمپ کا اصل مقصد عوام کو مفت میں میڈیکل معاملے میں صحیح رہنمائی کرتے ہوئے ان کا ٹھیک ٹھیک معائنہ کرنا ہے۔ کیمپ کے ذریعے عوام کو میڈیشن، سرجری، بچوں کے امراض، گائناکولوجی ، نیورو سرجری ، چمڑے ، آرتھو پیڈکس، ای این ٹی ، آنکھوں کے امراض، دانت، پیاتھیالوجی جیسے شعبہ جات میں ان کی رہنمائی مقصود ہے۔ اس کے ساتھ لیباریرٹری کی سرویس بھی ہوگی۔ کیمپ میں مفت میڈیشن دئیے جانے کے ساتھ ساتھ ضرورت مند اور غرباء کو مفت میں لیاب سرویس بھی دی جائے گی۔ منتظمین نے عوام سے اپیل کی ہے کہ وہ وقت سے پہلے اپنا نام درج کرتے ہوئے کیمپ میں حاصل سہولیات سے استفادہ کریں۔کیمپ کے لئے اور کیمپ کے دوران مرڈیشور مسلم جماعت ریاض، مرڈیشور مسلم کمیونٹی دبئی ، مرڈیشور مسلم کمیونٹی دمام، مرڈیشور نوائط اسوسی ایشن میسور، مرڈیشور مسلم جماعت ممبئی کی طرف سے مختلف سہولیات کا تعاون کیا جارہاہے۔